尋日(15-11-2011 Tue)放工後想買啲甜品食,咁同男友行到呢頭睇睇,睇吓許留山有咩o野甜品,佢竟是有慕絲,而且都係十幾蚊一杯,睇吓隔離美心,同樣有十幾蚊一個o既甜品,重比許留山o既大杯,不過選擇少啲,於是都係o係許留山買.

我o地買o左兩個同樣係$16.00一個o既”雙層滋選系列”,一個係芒果慕絲+芒汁丸子,另一個係紫米布丁+紫米蘆薈,另外一個$14.00o既芒果流心,總數係$38.00.

返到屋企同爸爸食完飯,我o地三個就share o黎食喇.我先試芒果慕絲+芒汁丸子,

慕絲唔係太滑,芒果味道亦淡同唔夠甜,一定要加埋芒果汁食至得,而丸子稍為實o左啲,唔太煙韌.
味道: 2.33分

之後係紫米布丁+紫米蘆薈,

呢個下層顏色好靚,咁我食喇,同上面o個隻一樣,紫米味道淡淡亦唔夠甜之餘亦唔夠腍,布丁口感尚可,而最底最深色那層原來係芋頭,

味道都係淡淡但比前兩者好少少,(不過佢冇寫明有芋頭,係咪有少少呃人呢?)而紫米蘆薈呢,都係普普通通啦.
味道: 2.5分

最後到芒果流心,

勺開睇,

嘩!白色流心好鬼死少呀!!!!!分好晒後食,芒果味有啲假,但好彩唔重,否則我可能會嘔,而白色o既流心我覺得係奶類,但係加o左料o既,唔好食.
味道: 2分

服務:
同收銀o既妹妹仔落單後,佢提我o地話買四送二,我理解即係total有六個,我o地食唔晒咁多,於是維持只買三個甜品,但諗吓諗吓,應該唔係,應該係話買四個,其中兩個唔使錢,因為我o地買完後拎張紙做返record時,見到寫住”第2件半價”,咁”買4送2”o既意思應該係後者.
點解個妹妹仔會唔講得詳細啲?

同樣,我o地買完,睇o個張紙o既時候,至發覺”雙層滋選系列”o既上層同下層係可以自己配搭,於是我問個妹妹仔,佢話係可以自己揀,我問佢o衣o家可唔可以轉?佢答唔可以喇,整好o左.
呢個又係佢冇提我o地.如果我知,我一定唔會揀呢兩款咁普通同重覆(芒果)o既口味.

價錢:
其實我o地唔明點解會收平o左,係我又係睇上文提到o個張紙至知.
睇o黎呢位收銀都唔係咁稱職.

綜觀,許留山o衣o家都係大不如前喇.

其他:
男友話”雙層滋選系列”o既膠器皿造型勁似題目o既多啦A夢o既電筒.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================