前日22-10-2011(Sat)朝同男男友食完早餐去為晚飯買餸,因9日o個日o係流浮山買o左包大地魚粉,咁不如o係o度買雲吞或水餃返屋企煮.o黎到,睇吓價錢表先,分大細兩種,細o既$21.00一盒,我決定要韭菜豬肉餃.
亞姐幫我出去o係包o緊餃子o既亞姐位o度,叫佢幫我入一盒細o既,亦好好禮貌地叫我等一陣.好快就攪掂畀我.而原來佢係食o緊飯,真係唔好意思阻住佢.
![細盒 - 荃灣的民豐粉麵行)]( "細盒 細盒")
返到屋企打開睇,原來細o既有15隻,
![生韭菜豬肉餃 - 荃灣的民豐粉麵行)]( "生韭菜豬肉餃 生韭菜豬肉餃")
好彩我買盒細咋,因為爸爸應該唔食,只有我同男友食.
好,我自己先煮7隻,剩返o既等男友放工後至幫佢煮.煮好喇,全部浮晒上o黎重好飽滿添,而且佢唔會散開,包工幾好.
![熟o左o既韭菜豬肉餃 - 荃灣的民豐粉麵行)]( "熟o左o既韭菜豬肉餃 熟o左o既韭菜豬肉餃")
開餐喇!韭菜味好濃,因為佢菜多肉少,而鹹淡亦適中,皮又滑滑,唔錯.
![咬開o既韭菜豬肉餃 - 荃灣的民豐粉麵行)]( "咬開o既韭菜豬肉餃 咬開o既韭菜豬肉餃")
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
