21-9-2011(Wed)晚,同兩位女友人o係尖沙咀食完晚飯,男友放工過o黎,同佢o地分手後陪男友搵o野食,由於尖沙咀o既茶餐廳都唔會平,所以佢話搭車返荃灣至食.

落o黎地鐵站見到呢間,佢話想買o野咬吓先,啊.佢揀o左三件曲奇,我睇睇,.全部都係朱古力o黎o既?所唔同o既只係用咩o野果仁同用白朱古力,揀完,個店員話重有三件,因為買三送三.咁佢就揀多三件,其實另外o個三件同樣都係朱古力.

我問佢點解唔買鬆餅?呢個收舖時間賣o既曲奇應該會腍,佢答o係地鐵內食曲奇會企理啲.

畀完錢就搭地鐵啦,佢真係忍唔住要食,佢食o左一啖就即刻話好甜,太甜,而且好腍.佢食o左兩件就唔想再食.

而返到我屋企,佢’塞’我試,試就試啦,真係好鬼死腍同甜,我見佢咬,好似韌到幾乎要’扯’開o黎食.

真係差到痺.呢次係我第一次食呢間,亦知道呢啲貨尾質素唔會好,或者下次有機會試吓佢啲鬆餅.

價錢: 男友話畀o左$36.00,即係$12.00一件,買o既時候就$6.00一件.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================