0

洋蔥磨茹雞批 - 附加食譜

吳太廚藝室 於 2011-08-27 10:58:32 發表  |  累積瀏覽 4999

分類:小食



香噴噴,熱辣辣的雞批@115g,真係令我垂涎三尺!

點先可以做出美味,唔會飛甩蓋的雞批呢!

除了要焗到個皮鬆化之外!

就係一定要多汁,如果唔夠汁....幾真材實料都會扣分架!



嘩!呢個成224g呀!哥哥一個人吃光!佢話好好味呀!haha...



怕流d汁出來,都係用隻匙食穩當d嘞!

做法:



好貪心,成一大堆餡!



蓋上面皮!



先輕手按混條邊! 用叉背壓紋! 再畫些少花紋掃上蛋液!

2:1  即2份蛋液1份水拌勻.



預熱焗爐10分鐘,放入下格,焗20分鐘.至金黃色 !  *200度!

雞批皮食譜:  約8個@115g

1. 200g低筋粉(過篩)

2.  120g牛油(金罐有鹽) **呢隻真係好味好多,唔會有so味!

3.   50g糖粉

4.   30g全蛋液.

做法:

將牛油+糖粉打起,成cream狀.加蛋液(分2次)每次攪拌勻.再篩入粉撈勻,放入雪柜雪半小時.個皮先鬆化*千萬唔好拌得太耐,或搓到死實實.焗出來個皮都唔好食架!*

餡料: 

1.爆香洋蔥.

2.加入雞肉.(先用少少糖,鹽,胡椒粉,粟粉稍醃)

3.再加切片磨茹.

4..最後,加入少少白酒.拌勻備用.  (唔喜歡酒可以唔落.)

其實,餡料真係好隋意,你大可自由發揮!

好多朋友都話最怕焗出飛甩蓋雞批,


參考以下的方法,個蓋包穩固,打大風都唔甩得!

如何煮白汁!(食譜)



1.  慢火熱溶牛油 20g.



2.先落30g低筋麵粉,快手撈混. 再加20g鮮奶邊煮邊拌勻!



3.拌到好似薯茸咁ge 樣! 鬆鬆地,唔係實架!



4.立即倒入雞湯250g,每次都要慢慢不停推開...直至完全混和!

我自製上湯* 250g水+些少糖,鹽,粟粉分3次落,邊煮邊拌勻.

再用手動打蛋器拌勻成香滑冇粒ge白汁! 呵呵!你是雞批的靈魂啊!



要比些少耐性,煮成香滑的白汁.

加入喜愛的餡料:如磨茹, 雞肉,火腿....等等.(要已經煮熟喎)

*放入雪柜,冷卻備用. 因為白汁和餡經雪凍後,才可放得滿滿多汁,

加蓋亦容易按實條邊,唔會(必)到周圍係白汁.更唔會焗出飛甩蓋的雞批啦!

 

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 939567

全部攻略 1125

全部回應 1618