10-7-2011(Sun)同男友睇’黑癲鵝先生’前o黎食個lunch先,我o地坐低後見到有$179.00o既二人套餐,就叫o左呢個.

我o地揀o左一紅一白餐湯,我要忌廉湯,男友要羅宋湯,我o既忌廉湯係青黃色o既,有香草,蘑菇,味道幾濃,但口感稀o左啲.而蒜蓉多士呢,我o既有啲韌,但男友o既竟然係脆.

之後係男友揀o既烤茄露筍蘑菇意大利蔬菜湯(雞湯底)天使麵.

呢個個麵太腍,有漿口o既感覺,麻麻.

然後係頭盤:小食拼盤,有炸洋蔥圈,哈哈笑薯塊同香脆薯角.

呢個全部熱辣辣,冇乜問題.

最後到我o既主盤:烤原條龍脷柳(配蕃茄汁)伴意式沙律及香脆薯角.

龍脷柳唔算好滑,但微辣,因為落o左七味分.o衣o家睇返menu,原來話配蕃茄汁,但唔覺有喎.而沙律呢,黑醋好酸,酸到o鞋口.

飲品方面,我同男友都係要凍檸水,我覺得冇乜檸檬味,亦唔夠甜.

服務:
一直都唔錯,由帶位,落單到拎o野o黎都好有禮貌同有效率,但到最後我用信用埋單,畀o左後等好耐好耐,我眼見個收銀serve一對填會員表,之後check贈品o既母女,其他o野唔做,等攪掂晒對母女走o左,至慢慢整埋單工作.

我足足等o左7分鐘,由夠時間變到o岩o岩好.其實佢可以o係對母女check o野時整其他o野,真係唔識做.亦因為呢一點,服務分要倒扣.

其他:
我重記得上次http://www.openrice.com/restaurant/commentdetail.htm?commentid=2049320 o黎食時o既好味杏仁條,不過經過呢日cashier o既表現,就有點點影響lu.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================