(18-7-2011 Mon)冇飯帶,朝早早啲搭車返工吧,咁就有時間慢慢揀包啦,行經呢o度, 記得佢啲包幾奇怪,但見幾耐冇幫襯,就即管入去睇睇,佢啲包亦都唔平,所以都冇乜人o黎買o野,我買o左:

1. $6.00o既墨西哥包

呢個幾硬喎,面上o既o野微甜,應該似奶黃包.

2. $6.00o既金粟奶黃包

呢個食到冇耐就食到入面空心,裡面o既奶黃餡唔多,但幾香甜同滑,而金粟呢?就只係面上o個幾粒乾硬粟米. L

3. $5.50o既綠茶味芙蓉蛋糕

呢個唔甜唔苦,但口感麻麻,有啲濕’立立’o既感覺,係咪想表達’出水芙蓉’?

其他:
畀錢時我計好數係$15.50,但收銀收我$17.50,我唔係好明,明明墨西哥包$4.00一個,金粟奶黃包$6.00一個,綠茶味芙蓉蛋糕$5.50一個,點解收多我$2.00?

於是見冇人我就返去問收銀,芙蓉蛋糕唔係$5.50一個咩?點解收我$17.50?佢答係$5.50.咁我繼續睇真啲另外兩個包o既價錢牌,收銀就話金粟奶黃包$6.00一個.我答係吖,咁墨西哥包呢?收銀答$6.00.呢個出事喇,我話墨西哥包$4.00喎.收銀話我睇錯,我堅持答係寫$4.00.收銀就叫另一個同事睇係咪插錯牌?佢同事行去睇,話係,咁就換返個牌,同同我講唔好意思.

咁我就走喇.其實我係咪應該可以堅持佢o地畀返鄉$2.00我,作為佢o地要為做錯o野而負o既責任?

睇o黎我都係少啲o黎呢間買麵包喇.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================