尋日(18-12-2010 Sat)朝,又要同男友去北角,順個便先去工展會,出發前去銀行整啲o野後至食個(早)餐.
行o黎兆和街,除o左翠華要等外,其他都有位,而其中一間裝修中o既,都係翠華,翠華真係咁好食咩?呢條街就o黎成為翠華街喇,唉!
我o地最後都係決定o黎呢間,男友被佢$23.00o既兆和三寶餐吸引,佢原本想叫蕃茄湯牛肉粒通粉o個個,但我話我唔太餓,但我想揀甲餐,有沙爹牛肉麵,火腿奄列,特脆奶油豬仔包同飲品.咁佢就話咁叫呢個加件三文治share食啦.啊,咁佢決定要$18.00o既餐肉火腿三文治餐,加$1.00烘底,再加$2.00要凍奶茶.而我就要熱奶茶.
一陣間後,沙爹牛肉麵
![沙爹牛肉麵 - 荃灣的兆和茶餐廳)]( "沙爹牛肉麵 沙爹牛肉麵")
到o黎,沙爹牛肉唔太多,麵應該係光麵,牛肉夠腍,湯只係暖暖地.然後我杯熱奶茶
![熱奶茶 - 荃灣的兆和茶餐廳)]( "熱奶茶 熱奶茶")
到o黎,我只加1.5茶匙糖,茶都只係暖暖地,有微微o既茶味.男友見我杯奶茶咁大杯,話早知都要熱.
男友o既凍奶茶
![凍奶茶 - 荃灣的兆和茶餐廳)]( "凍奶茶 凍奶茶")
同火腿奄列,特脆奶油豬仔包,
![火腿奄列同特脆奶油豬仔包 - 荃灣的兆和茶餐廳)]( "火腿奄列同特脆奶油豬仔包 火腿奄列同特脆奶油豬仔包")
佢先食大大個o既特脆奶油豬仔包,佢話好味,因為有鍊奶.然後三文治到o黎,佢將佢o個份火腿奄列夾埋入三文治o度食,佢話好好食,冇咁乾.
之後到我食呢幾樣lu,先食餐肉火腿三文治,呢啲冇乜問題啦,而火腿奄列呢,冇乜蛋汁,有少少失望.
特脆奶油豬仔包,牛油同鍊奶都唔太多,但我唔覺得佢個皮脆,只有散,唔係幾得.
不過個餐唔係咁貴就算啦,但o衣o家睇到影低o既menu,兆和三寶餐應該係$32.00,但點解我o地張單係$23.00?如果$32.00咁就極貴啦.
![menu,但收我o地$23.00 - 荃灣的兆和茶餐廳)]( "menu,但收我o地$23.00 menu,但收我o地$23.00")
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
