今日(22-11-2010 Mon)男友放假,但仍有啲感冒未清,我提議我放工後去公司附近o既樂生園買感冒茶同藥畀佢食,佢就話同我食早餐順便自己買返我屋企飲,啊,咁好啦.
咁去食咩o野呢?食粥啦,佢又唔肯,話要o黎呢間.啊,好啦.
去到都冇乜位喇,佢話叫個三文治餐,我話不如要$20.00o既牛奶麥皮,吞拿魚麥方包,要杯熱檸水(不過原來o野飲要加$5.00).佢話好啦,咁我就要$18.00o既熱狗餐,將杯o野飲畀男友.
等o左一陣,我o既熱狗到o黎,普通到就只有一條炸o左o既腸仔,兩片蕃茄同沙律醬,算啦,照食啦.所有呢啲現成o野其實都冇乜問題,之後熱檸水到o黎,男友話唔飲,好啦,我飲啦,好熱,而味道有啲怪o既?我食完我o既熱狗,男友o既一樣o野都未到,我o地就催亞姐,亞姐離遠已經問係咪催牛奶麥皮?我o地答係,佢就問廚房.
我諗係廚房漏單,原因可能係唔知呢個餐有乜o野,但唔知就要問啦,要客人係咁等,係咪唔出聲就一路都唔整?我o地繼續等,見佢出o既都係後面o既單,真係等到火都o黎埋,有乜理由知道o左係咩o野,都唔整個吞拿魚麥方包先?吞拿魚麥方包有幾難整呀?我再問另一個亞姐整好未?未整o既我o地唔要.呢個重衰,冇正面答我o地,我話咁走喇,cancel呢個,但男友叫我飲埋杯檸水,不過好熱呀!再過多陣,兩樣o野終於到o黎,今次由個男人拎o黎.
男友碗麥皮係大大碗好熱,但我眼見幾稀;而吞拿魚麥方包呢,內裡夾有生菜絲.呢啲都係大路o野,冇咩好評.而我杯熱檸水係澀添,我唔飲喇.
其實今次冇諗過要寫食評,但男友o個份真係等得太耐,成10分鐘都整唔到,重要咁o既態度,真係唔寫唔得囉.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
