今日(24-10-2010 Sun)同男人去完街返屋企,我同佢o黎買個蛋糕慶祝佢o既生日,之前睇報紙見到呢個$168.00o既朱古力五重湊

,覺得好吸引,所以唔理今年o係屋企為生日食o既蛋糕,全部都係朱古力,都係要呢個.最多出年全部戒朱古力(希望).

食完晚飯就食蛋糕喇,頂上o既朱古力裝飾有點點金色

,帶點grand味.

男友切開個蛋糕睇,明顯睇到四層,

外殼最淡色o既係朱古力mousse,由上面數落o黎第二層係朱古力蛋糕,下面最深色o既亦係朱古力蛋糕,最底o個層有朱古力脆片,咦?!咁第五層呢?5話明朱古力五重湊,有五種朱古力口感o架,咁第五層呢?啊,原來第五層係o係最中間,即係兩種朱古力蛋糕之間好薄o既一層.

好食吓先.朱古力脆片顧名思義有啲脆片啦;朱古力mousse唔太鬆軟亦唔太滑;兩種朱古力蛋糕同樣唔太鬆軟,而味道分唔出濃度有冇分別;而最中間o個層,就係滑滑朱古力,朱古力味最濃.

其實成個都係朱古力,根本分辨唔到邊部份朱古力o既濃淡,但好彩唔太甜,不過仍覺得漏,可能因為mossue部份o既比例太多.

整體o黎講令我有啲失望.

用匯豐銀行信用咭有9折,即$151.20.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================