今日(21-10-2010 Thur)同男友食早餐,我問佢想去邊間食?佢答呢間,好吖,上次都覺得OK.
o黎到,先由一位女侍應招呼同帶我o地去卡位,感覺唔錯.我o地坐低後,我揀$19.00o既法蘭西多士餐,飲熱奶茶.男友開頭揀$26.00o既牛扒餐,我突然記得佢上次好似都叫呢個,於是佢改,改o左$24.00o既B餐,有煎雞扒,牛油多士,火腿炒蛋,飲熱檸水.
冇耐,飲品到o黎,先飲啖奶茶,都’o鞋o鞋’地,我加一包糖,都仍苦苦地,不過算啦,唔好飲咁甜.
之後我o既法蘭西多士到o黎,我加好糖漿同牛油o黎食,都唔夠甜,自問加o左唔少糖漿.
而口感呢,可能蛋漿唔夠多,令口感唔係幾豐富,不過今次唔緊要,因為我正正唔想食太多o野,否則以正常o黎計,呢個係唔合格.
到男友o個份,睇睇吓原來係我上次食o既餐.
.賣相一樣,牛油多士好燶,冇乜牛油,感覺幾乾;而雞扒’煎’得香脆好味.
服務:
差唔多食晒時,男友想飲清水,我就叫個短直髮女侍應畀杯暖水我,佢應o左我後,點知就去電腦o度按鍵,唔係要一杯水都要收錢o掛?佢按o左一大輪,佢好似冇諗住拎杯水畀我,我就叫另一個女侍應.佢就入廚房拎杯好熱o既水畀我.
咁我計好數,諗住係$33.00,然後我o地去埋單,佢收我$43.00,我問點解?佢(短直髮女侍應)態度麻麻咁畀張單我話自己睇.我睇睇,啊,係$29.00加$19.00=$43.00,係我自己計錯.咁我就走啦,佢就叫住我畀返張單佢.
我覺得呢位女侍應係我呢餐接觸到咁多個(3-4個)中服務最差o既,亦係佢令到原本可以畀服務4分,要扣為3分.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
