尋日(24-7-2010 Sat)同男友o黎到荃新天地去KFC前,睇睇呢間吸引佢o既麵包,我o地決定買o左至去食o野,唔知係咪肚餓,所以揀o左好多o野食,有:

1.$3.50o既朱古力麻糬波波球同黑芝麻麻糬波波球各一
佢外表幾硬淨同乾,我用手掰開一半同男友share,至發覺原來內裡煙韌同幾油,似中式豆沙燒餅o既餅皮,食落口感好得意,而味道唔太甜,朱古力o既有朱古力粒o係出面,味道唔錯,而黑芝麻味亦都幾濃,不過我諗我鍾意朱古力味多啲.
味道: 4分

2.$10.00o既蛋糕酥餅
被佢o既外表吸引,因有大大件蛋糕o係裡面,我切o左一半o黎食,覺得甜甜地,但唔夠鬆軟,面上面有椰絲.男友就惡攪,掰散晒同分開o黎食,佢竟然話咁食好味啲.不過掰散晒都好,見到原來有酥皮.
味道: 3.5分

3.$13.00o既法式牛油軟包
我o地都飽飽地,呢啲開始要分時段食喇.呢個男友話味道係層層遞增,外面好油,牛油味濃又鹹香,但幾韌,見佢食到咬唔開.
味道: 3.5分

4.$10.00o既杏桃酥
呢個又係被佢外表吸引,有差唔多半個罐頭桃,個酥都有好多層同分明,男友話係有心機之作.味道就係甜甜啦.
味道: 4分

5.$10.00o既蘋果酥
我對於蘋果批呢類o野存在陰影,陰影係來至細個時食麥當勞o既蘋果批,真係難食到以後都冇食過.今次係男友想食,我就陪佢,可能肉桂唔係落太多,味道接受到,呢個同杏桃酥冇乜分別,只係生果唔同啫.
味道: 3分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================