今日(22-7-2010 Thur)朝同男友食早餐,唔知去邊間食,男友決定呢間大家樂.
上到去,我決定要$20.50o既北海道牛乳炒滑蛋,火腿絲通粉,菠蘿包,o野飲就由男友幫我決定,而佢自己都自行決定食咩o野,我就去搵個位先.
點知搵到個位好鬼死熱,坐低後有客人問執o野o既亞姐係咪冇開冷氣?亞姐答冷氣壞o左.我想call男友叫佢唔好買o野食,但心諗應該趕唔切,重後悔叫o左通粉.
佢o黎到後,我即時同佢講冷氣壞o左,見佢o既早餐係吉列魚柳,腸仔牛油多士同凍檸茶,我心諗佢唔會幫我決定要熱奶茶o掛.佢再行返o黎時,果然係一杯熱飲.
我o地就o係’酷熱天氣’下食早餐喇.
睇吓我大大份加有香草o既炒蛋,炒到半生熟仍有蛋汁,好似好正咁,食落.好滑好重牛奶味,而且重係熱o既,真係好好味.
而菠蘿包唔大個,但己’界’o左一吓畀我加牛油入去,食落,甜甜地,OK啦.
而火腿絲通粉同男友o既食物都正常冇問題.
最後因為真係太熱,男友攞o左杯冰o黎,將熱奶茶倒入去變為凍少少o既奶茶,但已經淡晒冇乜味.
服務+環境:
男友話佢買完o野後,個收銀至同佢講冷氣壞o左.我o地覺得唔應該咁囉,應該整個牌話畀人知,等人有準備,選擇幫唔幫襯或者買啲唔太熱o既o野食,而唔係畀o左錢至講.
原本因炒蛋出眾可以畀個笑,但因服務同環境影響o左.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
