原本尋晚(29-7-2010 Thur)同女友人T食晚飯,點知佢前話唔得,但我又想出街食飯,放工call男友,佢原本提議o係荃灣食,我話荃灣冇咩o野食,好悶,我想出旺角,佢就提議再o黎呢間.啊好啦,橫豎我冇idea,佢就打個電話先,我就即刻搭車出去.

由於fully booking,男友都先去坐定定,我去到時,佢話叫o左$78.00o既美味小食拼盤,我坐低後同男友揀埋晚餐先,叫o左好似係$88.00蒙古古法烤豬髀跟薯菜,要羅宋湯,侍應提我o地呢個會有少少辣同薯菜會係薯蓉.

冇耐,美味小食拼到o黎,男友話可能佢等埋我o黎至上.拼盤有:
1.燒三文魚腩
三文魚腩都幾多,味道屬正常.

2.焗薯皮
上面舖o左好多煙肉粒,男友話鹹,但我又覺得OK吖,而薯肉都唔算少.

3.香蜜雞中翼
呢個幾甜又煎到皮脆,但肉仍滑,我覺得好好味.

4. 沙爹串燒
應該係豬肉,有好多沙爹汁,我覺得辣o左啲,男友就勁蘸汁食.

食食吓,羅宋湯同法包到o黎,同樣有三文魚醬,今次我只塗三文魚醬,因為真係好多.食落,點解有上次o既驚喜?唔通因為已食過一次就咁?而法包好似腍o左啲.

到羅宋湯喇,一向唔多飲羅宋湯o既我,因為覺得呢o度應該唔錯,所以叫呢個湯,飲落,竟然畀唔到驚喜我,就算佢有車厘茄.

然後係主菜喇,有三件豬髀,汁真係辣辣地,男友話好好味,但肉實.不過我又唔覺得實,o岩o岩好喎,而唔知係咪燈光問題,啲肉好似紫色,呵呵.

食完之後就叫餐飲,男友叫o左要加$2.00o既熱檸蜜,因為我咀唇又乾又痛.唔知又係咪啲檸檬唔太靚,所以澀澀地.

就要食甜品喇,跟餐o既甜品係香芋雪米糍,都唔吸引o既.於是男友要睇甜品餐牌,揀返個跟餐加$25.00優惠價o既甜品,但我o地想食兩個,於是叫多個要畀原價$45.00o既甜品.最後要o左:

1.香焗朱古力香蕉鮮奶牛油麵包布甸(個名真長)
o黎到喇,面上o個塊……係麵包,唔係,係朱古力多士.呢個好鬼熱,要慢慢食,香蕉焗到好甜,但由於太熱,我唔係幾食到布甸o既真正味道.

2. 香焗蘋果脆金寶伴雪糕
呢個同樣都好熱,所以要先食雪糕球,係雲呢拿味.而脆金寶味道好熟,男友話咪即係KFC o既香鬆餅,不過呢個係脆o既,又係喎.

服務:
Excellence,99.8%o係適當時候做適當o既o野,落o左晚餐order後,知道我o地係share食,自己畀多個碗我o地,上次o黎o既時候佢o地問係咪share,今次唔使問.

拼盤未食完,羅宋湯同多士就到o黎,由於張枱太細,侍應好好心機咁幫我o地擺好.

見飲晒啲水,食完o野會斟同拎走.

招呼好有禮服,好舒服.

環境:
今次我o地坐o係加開o既細枱,所以唔係幾理想.

上年食評: http://www.openrice.com/restaurant/commentdetail.htm?commentid=1976590

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================