尋日(19-6-2010 Sat)晏晝男友話落街買o野飲,順便買啲cake就下午茶,我提議一齊落荃灣買,順便買個蛋糕畀爸爸慶祝聽日o既父親節.

我o地先去到凱施買個木糠布甸蛋糕,男友o係o個o度搵唔到想食o個種細細件o既cake,佢諗住求祈o係超級市場買嘉頓o個啲就算, 咁我o地去搭車返屋企啦,行經呢o度,見到有好多cake,男友入去睇,啊,有好多款啊,佢同我揀定兩件,個女仔話o衣o家買三送一,男友叫人幫我o地攞,個女仔態度唔好咁問我o地要幾多件,我見佢態度差就答兩件,點知男友答三,四件.

咁我o地揀喇,我o地揀o左$6.00o既芝士切餅,$7.00o既雲石芝士撻,個女話呢個唔係特價,唔包括o係買三送一o既優惠內,啊,唔緊要吖.然後繼續揀芒果切餅,藍莓芝士切餅,重有一件我同男友都冇乜idea,個女仔推介黑森林,我又冇乜興趣,見角落有一件好伕似好靚o既,我指住問係咩o野o黎,個女仔答朱古力mousse.咁要埋呢件喇,一共$25.00.

返到屋企影完相,我o地就開餐喇,我先食雲石芝士撻,咬開睇睇,個撻底好厚喎,同個餡一樣厚度,勁搵笨囉.餡係食到啲芝士味,OK o既.

之後到朱古力mousse,因為男友o係我o地食之前影相時,唔小心掂到啲cream,佢食o左大讚好味,叫我先食呢個.

面上o既白色cream唔似一般o既,有啲蛋白味,亦滑,蛋糕夠軟,朱古力mousse唔太甜,有少少酒味,mousse亦軟滑,唔錯.

然後係藍莓芝士切餅,呢個有9成係cream,亦好有蛋白味,質地比朱古力mousse上面o既更滑.

之後係芝士切餅,呢個樣貌最普通,但原來啲cream係最幼滑,蛋糕亦軟棉棉.

而最後o個個芒果切餅就留畀爸爸食,但我o地都偷食啲cream,cream都有芒果味,應該都唔錯吧.

啲切餅唔錯,可惜o既係個女仔服務一般.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================