尋日(17-2-2010 Wed 年初四)同男友落o黎諗住買飛睇戲,但唔係冑好o既座位就係場次唔o岩,唯有放棄,男友話食啲o野,咁食咩呢?1:00pm喇,返工o既朋友放lunch,會好多人,佢話去元氣,但多人排隊,係得呢間重未full,就o黎呢間啦.
o黎到,接待o個位妹妹仔問我o地幾多位,我答兩位.佢就帶我o地入去話裡面吖.佢o地語氣唔係咁好,好似審犯咁,呢樣要改善吓喇.
坐低後,我同男友都諗好耐,最後決定要兩個餐,我要燒雞肉拉麵,加$8.00要凍香芋奶茶.男友要漢堡扒飯蕃茄菠蘿汁,同樣加$8.00要凍朱古力奶茶.
等o左幾耐,兩杯飲品先到,兩杯都大大杯,男友話好似個花瓶咁.我o個杯就飲唔到奶茶味,可能芋頭味太甜,又蓋過晒.而男友o既就兩隻味都飲得出,因為唔係太甜重有少少苦添.
等好耐,食物終於到o黎,男友o既蕃茄菠蘿汁有好多,但原來蕃茄汁裡面冇菠蘿味,只係加o左幾件菠蘿,而漢堡扒鬆鬆軟軟的,佢好滿意.
我o既燒雞肉拉麵呢,半隻蛋好細隻,雞肉有三件,男友試食,話好滑,一啲都唔’o鞋’,拉麵幾彈牙,而湯底好似係豬骨湯,飲幾淡覺得淡而無味,但男友係咁飲話好味,我又試吓,又係喎,都幾夠味,亦唔係全味精.
環境:
今次坐o係邊邊棲梯底o既長梳化,唔知係咪呢個舖位設計有問題,冷氣兜頭吹落o黎,令人唔係幾舒服,但座位係舒適o既.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
