(19-1-2010 Tue)冇飯帶,睇睇呢間,今日午餐有$22.00o既味菜炆排骨飯,見加$3.00有紅棗杞子圓肉茶,就試試啦.

Order o左同留o左食幾點後,一直等,點知今次等到就夠鐘都未送o黎,於是打去問,亞姐話幫我call佢,點知一收線,外賣即到.

好,打開飯盒先,好多味菜,飯亦多,而湯係紅紅地色,但冇料,唔知係咩湯呢?打開杯紅棗杞子圓肉茶,咦?!淺黃色,唔係o黎o既?應該係柚子蜜,咁我要唔要好呢?唔…..唔知會唔會同人調轉o左,都係打電話同佢講聲啦,打電話去,佢話同我換返,我話算啦,我要呢杯啦,點知佢好老實咁話下次我買o野食時,記得叫佢扣返$2.00,因為柚子蜜只須加$1.00.哦?!我心諗咁煩,咁就不如叫佢換啦,佢就應承o左.話冇咁快o黎到,要等.我答冇問題吖.

咁我食o左啲飯同飲湯先,味菜唔太酸鹹,可以,唔多o既排骨好腍,味道就淡淡的.而o個半碗湯呢,我都唔知係咩湯,覺得有啲紅棗咪,唔通呢個就係紅棗杞子圓肉茶?冇理由吖,咁杯柚子茶又係咩一回事呢?

當食晒同飲晒個餐,正常掉垃圾時,o黎換o野飲o既到o黎,真係o岩o岩好.佢換返杯好熱o既飲品界我,但由於我好飽同眼瞓,我就唔飲住,瞓醒開工後至飲.

到開工做完少少o野,怕太凍就拎o黎飲啦,將佢倒入自己個杯o度,見有好多料,咁我飲喇,紅棗冇去核,正因為咁,我就想’了’晒啲核同o野食,點知畀我見到有粒黑色o野,我就’了’佢,原來係一隻完整昆蟲,係咩o黎呢?曱甴?好彩唔係,但係係一隻烏蠅,一隻約有8mm長o既烏蠅,點算好呢?又打電話去?但有咩意思呢?但我只飲o左兩淡.唔…..都係打啦,叫佢o地下次留意返.

但我冇影低隻烏蠅,因諗住佢o地都願意承擔責任,無謂影啦.

打o左去,今次係一個男人聽電話,我同佢講o左後,佢話下次我order o野食時,叫佢o地唔好收我飲品錢.得話唔使,佢話就唔緊要.我心諗,都唔知下次係幾時,而且佢o地點會記得?

講返杯o野,都幾好味,唔太甜,料又多,係幾抵o架.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================