(19-1-2010 Tue)朝同男友一齊食個早餐至返工,咁o岩有coupon就o黎美心試吓同事成日講o既厚多士啦.

o黎到都唔算太多人,而且重有卡位,但太多射燈,令卡位好熱.男友先去買o野返o黎食,然後到我,驟眼見佢有炸魚柳同厚多士,到我揀時,我就要個$21.00o既炸魚柳,腸仔,茄汁豆,蘿蔔糕同飲熱檸水喇,用coupon減$2.00,即係$19.00.

返到埋位,至發現原來我同男友要o既係一樣,只係厚多士,蘿蔔糕同奶茶檸水o既分別.

我用半件蘿蔔糕同男友交換半件厚多士.睇真啲,蘿蔔有冬菇粒同蝦米,一啲都唔馬虎.我先食炸魚柳,原來魚柳熱辣辣,我見男友重未食,就催促佢快啲食,魚柳雖然唔太脆,但內裡都幾滑,算唔錯啦.

而茄汁豆呢,一心以為係凍o既,但原來係暖o既,好窩心.而腸仔呢,冇煎過,應該係烚,亦係暖暖,冇問題.

期望o既厚多士呢,竟然令我失望,佢唔脆唔香,只係比普通方包硬身少少.而有料o既蘿蔔糕呢,好似食唔出味道,只係算實實地咁,又係普通啦.

男友杯熱奶茶,男友話睇顏色應該有茶味,我試一試,茶味都係淡呢.

而我杯熱檸水呢,檸水好熱,熱到焯到啲檸檬皮,令杯o野好澀,o徒晒啲靚檸檬

服務:
雖然係自助,只係收銀同畀食物o既serve客人,但都好有禮貌,會講早晨,所以加分

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================