尋日(28-11-2009 Sat)同男友食完兩餐,做埋啲公司後行街,行完街又未夠時間去銀杏館,佢提議搵個地方坐坐食吓o野,um….好啦,又邊行邊搵,行到呢o度,見有啲輕盈啲o既o野食,而佢又想食班(卓戈),於是上去,上到好,卡位冇晒,咁o岩o岩有一pair走,所以我o地又可以轉枱.

睇睇menu,有好多o野都想試,最後男友要$38.00o既比薩醬吞拿魚忌廉芝士班(卓戈),飲熱檸茶.而我就要$43.80.o既燒蕃薯天婦羅黑糖葛軟糍.

好快,佢o地熱檸茶.到o黎,之後到班(卓戈),睇吓件班(卓戈)都幾大件,揭開睇睇,有一大舊似洋慕o既o野,原因係生菜.我搣吓啲班(卓戈)皮食,有啲脆,而比薩醬吞拿魚味道幾夾,吞拿魚份量比我想像中多,之後o既班(卓戈)皮都係軟o既,唯食到最後,我o地都唔覺有芝士,應該係融入o左啲醬o度o掛.

食完我o地就等我o既燒蕃薯天婦羅黑糖葛軟糍,等呀等,等o左都有10分鐘,重未到,於是問問侍應,佢幫我check,見佢真係入o左廚房跟,唔錯.

出到o黎,佢話第一個炸蕃薯炸燶o左,o衣o家整o緊第二個,啊,咁好啦.點知又等呀等,等呀等,又15分鐘,我o地又再問另一個侍應,佢又入去跟,返出o黎冇耐,個燒蕃薯天婦羅黑糖葛軟糍終於出o黎.

我即刻先食葛軟糍,煙煙韌韌,加埋上面o既甜糖霜加焦糖都唔係太甜,適中.

而黑糖雪糕亦都係唔太甜,夾埋下面o既炸蕃薯一齊食,一凍一熱幾有趣,但蕃薯唔太甜,亦食唔出蕃薯味,不過都可以接受.

最後畀o左一盤生果,原來男友o個餐有o既,男友話耐到佢都唔記得有呢樣o野,生果有西瓜,哈蜜瓜同奇異果,樣樣都甜.

服務:
唔差吖,密密斟綠茶同叫佢o地跟單都真係有check.

環境:
其實就算唔坐卡位都好舒服,夠寬敞.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================