17-10-2009(Sat)朝陪男友為公事上大陸攞o野,順便憑記憶同男友o黎銀湖車站,搵8月中o係呢o度搭車去男友人LKH鄉下時,佢指畀我睇o係呢間買湛江走地雞返香港食o既店舖.
同男友o黎到銀湖車站,從右邊行去後面,唔係旅遊巴開出o既方向,有啲心灰,當想返轉頭時,o岩o岩見到有間似係當日見到o個間o既o係路口,男友話即管買啦,就算唔係,試吓都無防.於是行埋去買一隻,都係RMB60.00,同LKH講o既一樣.之後我o地搭的士去男友深圳o既公司,咁o岩,的士要蹺過車站另一邊至出到去,我o地係咁望,見唔到同呢間類似o既舖頭,咁應該搵o岩,好開心呀!
去到男友公司樓下,買淨出前一丁湯麵,(冇諗到一碗只有幾片生菜o既出前一丁湯麵,竟然要RMB12.00,拍得住香港.)
好,上到男友公司開餐喇,打開飯盒,賣相靚過上次湛江漁港o個間,擺o左好多芫茜o係面,而雞o既顏色比上次o個間深同肥少少,同樣亦有蒜蓉豉油,但呢間就用個有蓋膠兜裝住.
我同男友食半隻雞,食落,好明顯,呢隻雞好食啲,起碼雞味濃郁過上次o個隻,而蒜蓉豉油唔係一咪死鹹.雞肉同樣唔’o鞋’,亦係有雞頭同雞頸.
另外o個半隻就拎返香港畀爸爸食.
![湛江雞皇的相片 - 羅湖銀湖)]()
![1/2湛江雞 - 羅湖銀湖的湛江雞皇)]( "1/2湛江雞 1/2湛江雞")
![2/2湛江雞 - 羅湖銀湖的湛江雞皇)]( "2/2湛江雞 2/2湛江雞")
![蒜蓉豉油 - 羅湖銀湖的湛江雞皇)]( "蒜蓉豉油 蒜蓉豉油")
![翻開o既湛江雞 - 羅湖銀湖的湛江雞皇)]( "翻開o既湛江雞 翻開o既湛江雞")
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
