尋日(20-6-2009 Sat)同男友o係佢公司整理完相,都已經9:45pm,幾餓喇,快啲去附近搵o野食啦.佢就帶我o黎呢間,其實佢想帶我試呢間好耐,只係冇機會,o衣o家就o岩o岩好.

o黎到,舖頭細細,張張枱都有人,剩返最近廚房o個張,坐抵後,水吧o個位識講廣東話姐姐仔自己主動指住角落一張枱,同我o地講一陣執好畀我o地.

我o地都睇o左menu先,叫o左$58.00o既炸皮蛋,$35.00o既蝦炒金邊粉同$45.00o既細冬蔭公.

男友o係揀冬蔭公時,想揀冬蔭魚,佢問個姐姐仔,冬蔭魚同冬蔭公有咩分別?姐姐仔答冬蔭公有蝦.男友問咁冬蔭魚有冇魚?姐姐仔答冇,又冇講有咩材料.咁即係會有咩分別?好攪笑,咁男友就揀o左冬蔭公.

冇耐,蝦炒金邊粉到o黎,落單時姐姐仔話唔辣o既.放低後,嗅到好香花生味,食落,味道酸酸地,有少少辣,因為落o左泰式甜辣醬,金邊粉碎碎濕濕o既,蝦o既味道好濃郁同爽,唔錯.重有韭菜同豆乾,豆乾唔硬兼有啲咬口,OK o既.

2. 細冬蔭公
o黎到見好淺色,材料有蕃茄,蝦,菇同香草,由於我怕辣,男友就試先,佢話唔辣,不過好熱.我又逐啲試,真係唔辣喎,重飲到椰汁味,材料都幾新鮮,而隻蝦原來切開o左一半,男友食就話有啲’梅’同苦.係咪因為煲得耐所以咁呢?

3. 炸皮蛋
呢個好耐至到,蝦膠熱辣辣,外層又炸到好脆,蝦膠亦算彈牙,醮甜辣醬食更惹味,可惜我愛佢o既甜,但對我o黎講又太辣,所以之後都冇蘸到o黎食.

環境:
係幾迫吓,好坐o既就只有一張四人枱,而冷氣唔係幾夠,失敗o左啲.

服務:
每張枱都已經放o左一壺水同一杯冰,畀客人自己斟,但姐姐仔都會好主動問要唔要冰,好體貼.

而蝦炒金邊粉上枱時,姐姐仔都問要唔要辣醬,唔錯.

衛生:
客人走o左好快執o野之外,重抺到張枱好乾淨

整體印象唔錯,可以再o黎.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================