22-5-2009(Fri)晚,男友o黎我屋企食飯,佢o係o度買o左啲糕點o黎,打開個盒,買o左七件.

有眉豆糕,綠豆糕,芝麻糕,桂圓糕,南瓜糕,眉豆茶粿同花生茶粿.

先食眉豆糕,晶瑩剔透,睇見裡面o既眉豆,糕點清香,眉豆份量多且夠腍,呢個好味.

然後食綠豆糕,內裡有臭草,落糖唔多,唔甜,清清o既綠豆味,可接受.

桂圓糕,內裡食桂花同雪耳,雪耳爽口,呢個都係淡淡,唔太甜.

然後食茶粿,切開o左至知係邊隻茶粿,呢個係花生茶粿,嗅到好香花生味,糯米皮煙韌,花生味真係好濃郁.而佢o地應該怕茶粿黐住塊葉搣唔甩,塗o左油o係面,但我覺得多o左,攪到油淋淋.

之後因開飯,唔食住,其他留到下一日食.

第二日食其餘o個啲,先食芝麻糕,芝麻糕味道薄弱o左啲,口感仍可.

然後到南瓜糕,開頭以為係馬豆糕.呢個南瓜味都係清清地.

最後係眉豆茶粿,眉豆同樣夠腍,配合煙韌糯米皮同樣好食.

每件$4.00.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================