前日(28-3-2009 Sat)同男友返到荃灣,口痕痕想食甜品兼買埋畀亞爸,o黎到松記,男友話堂食,啊,咁好啦.

我要$24.00o既椰櫼果琉璃,男友要$20.00o既蘆薈清涼爽.

不久,兩樣都o黎齊,重伴上忌廉奶同芒果汁各一,話可以加入去食.

睇唹兩樣甜品,完完全全係透明同白色o既,我先試我o個碗,琉璃好多又淡茂茂,唔太腍,好襟o趙,而椰櫼果,好似唔係椰櫼果喎,冇纖維o係裡面o既?呢個加好多芒果汁落去都唔好食.而男友見我重食剩好多,而且唔夠芒果汁,就直接問入面攞,佢就好快手咁畀o左佢.
味道: 0.5分(分數係畀芒果汁)

之後我見入面o既同樓面講,我o地攞o左芒果汁,個樓面就二話不說咁o係我o地張單o度加o左$5.00,我同男友講,

佢話:吓?!乜要錢o架?點解佢o地唔同我o地講,連寫都唔講聲.

我又試男友o既蘆薈清涼爽,佢o個碗都有啲一粒粒o既珠狀物體,原來係明珠(大西米),呢個係煙韌,但腍o左啲,而蘆薈冇乜問題,重有白色o既假豆腐,男友唔鍾意食,而我食落,覺得味道怪怪咁o既. 
味道: 1分

我o地食剩琉璃,因為真係要o趙冇味o既o野實在太難受喇.

之後我為爸爸買個$17.00o既凍椰櫼果黑珍珠,但外賣要加$1.00.不久都有喇.返到屋企食完飯,打開畀爸爸,佢話太大碗,咁我就分細半出o黎,但睇到啲椰櫼果唔係頭先我食正方體o既?oO呢個係海底榔o黎o架.乜咁o架?不過算啦,照食啦.

黑珍珠o既感覺好似好過咩明珠呀,琉璃咁,而海底榔都冇咩問題,椰汁唔係太多,都唔太甜.
味道: 3分

總括o黎講,覺得呢間分店o既服務唔係幾得,而今次食o既甜品都令我o地好失望.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================