由於好耐冇燒o野食,於是約同男友尋晚(14-2-2009Sat)o黎BBQ慶祝情人節,但又唔想得我o地兩個,所以約埋另一pair朋友CT同M.

我book o左7:30pm.,同男友先到,o係巴士入o黎o既都係燒o野食,咁多人燒o既?而o係車上見到o既燒烤場都冇乜人,唔通啲人o黎晒呢o度?落o左車,後面都幾多人跟住o黎,7:15pmo黎到,前面職員問客人有冇book位?人o地答冇,佢答full晒lu.嘩!好彩我book o左位先,呢間真係咁多人o既?

先畀錢,入口個女仔叫我人齊就出去話佢知,咁就有帶子同甜品送畀我o地.啊.

職員帶我o地行刑最入,最角落o既位,好正呀!我o地自成一角,唔使o係中間受煙嗆啊.

佢o地會拎o左啲用具,蜜糖,豉油,牛油蒜茸同麵包o黎,然後我男友就去攞o野返o黎.開好爐,我o地都燒住等.

燒o既都係大路o野,有叉燒,蒜茸雞中翼,豬扒,雞扒,牛扒,呢啲都係全自己醃製,都幾入味,好好味.

但牛油蒜茸同蜜糖好似唔係好夠味,唔知係咪太稀,塗o左後流走晒,就只有燒麵包至吸到啲味,有啲白費心機o既感覺.

到8:00pm,朋友到o黎,我o地繼續燒丸類,呢啲唔會有咩問題.

之後我去攞帶子lu,佢o地唔會畀鍚紙你,要自己買$1.00張.最衰我o地食雞髀菇時掉o左.

燒好o既帶子,食落都幾鮮,又係冇問題.

到10:40pm,我o地想攞糖水,但話o岩o岩冇晒,o衣o家煲甘蔗水,等4個字啦.等到11:00pm,終於有喇,好熱.佢o地會畀個紙箱你攞,咁就唔怕’辣’親,好細心.

攤o左`好耐至暖少少,慢慢飲,都幾清甜.其實有諗過點解佢o地唔送現成o既甜品而要自己煲?因為佢o地想畀誠意客人?真係好.

環境:
好乾淨,啲膠椅都唔係太污穢.而呢o度佈置到好靚,好浪漫,唔怪得搶晒生意啦.

服務:
一個個好,男o既唔錯,女o既竟然有啲唔得.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================