** 此 食 肆 的 第 二 十 一 個 笑 **

前日(15-7-2008 Tue)請假,原本和家人陪媽媽覆診,可是踫巧要買雪櫃,令我趕不及,於是走到青衣城用Openrice贈送的100元Coupon換領朱古力,順便再看雪櫃.

來到,見有很多款式的朱古力,實是花多眼亂,價錢為$88.00/100gms,我左看看右看看,女店員主動介紹,我看見有酒心朱古力,她便主動拿一粒原粒車厘子(酒心)朱古力給我試,我接過後又遞一張紙巾給我,真是細心,我吃過後,她主動接回包裝紙為我掉去.而我仍是花多眼亂,她又主動給我catalogue,真是一流.

先說回原粒車厘子(酒心)朱古力,朱古力和車厘子也不太甜,酒味也剛好,不濃不淡的.
味道: 4.5分

然後,我揀o左補o左$10.00共8粒如上圖.

返到屋企,打開包裝,似曾相識o既?啊,記起喇,原來大哥大嫂有一年歐遊返o黎o既比利時手信,我都唔記得食過咩味lu.

我先試原粒榛子咖啡(白朱古力),嘩!好甜啊,太甜喇,唔o岩我.
味道: 1分

姪女試香濃軟心(黑朱古力),極好朱古力o既佢話好好味,食完一粒話要食埋另外o個粒.被佢講到好好食咁,於是我咬另一粒一啖,唔…..覺得OK呢,當然冇原粒榛子咖啡咁甜,但又唔覺係黑朱古力,唔怪得姪女話好味,因唔甜唔苦,OK o既.
味道: 4分

二嫂試o左原粒車厘子(酒心)朱古力,佢話佢醉lu喎,唔係o掛?玩o野?唔通佢覺得酒味太濃?

到尋晚(16-7-2008 Wed),食完晚飯,拎盒朱古力出o黎畀大哥食,佢話唔食,咁我就食莫加咖啡(黑朱古力)啦,食落,略嫌冇乜咖啡味,朱古力唔太甜,o岩o岩好.不過食完成粒又覺得好好味喎.
味道:4分

最後,由於新雪櫃係o係今日(17-7-2008 Thue)下晝送o黎,而仍有三粒未食o既朱古力放o係冰箱內,所以我唯有o係今朝食,先食開心果軟心,呢款就食到有開心果味,而今次呢隻白朱古力出奇地唔太甜,又o岩o岩好喎.
味道: 5分

之後,都忍唔住食埋脆米(牛奶朱古力),都好味,又係唔太甜,朱古力味o岩o岩好,同樣唔錯.
味道: 5分

就係咁,呢8粒朱古力o係兩日內清o左.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================