** 此食肆的第四個OK **

8-3-2008(Sat)媽建議出街食飯,因為唔知煮咩餸好,但約唔到大哥同大嫂,只有我同雙親食啦.我提議食正宗客家菜,想去大圍港興的,但爸話遠,咁K ..咁東江囉.約7:00pm o黎到,樓下滿座,於是上樓上,樓上亦都係,且好多已留位,爸話去第二間啦,落到地下,原本o係我o地後面o個四個客人問樓面係咪一定要book位,樓面叫佢留低電話,有枱就call佢o地,因佢o地塞住個門口我o地走唔到,於是佢o地走o左後,我就想留電話,此時另一個樓面走o黎話有張四人枱就走,先前個樓面想叫返o個四個人,但佢o地走o左.佢見我o地三個人,於是畀我o地坐o個張長方枱.我o地冇尖隊o既呢.

坐低後,好耐至畀茶,花生,兩碟沙薑同一碟豆板醬我o地,我o地睇餐牌,好多選擇,花多眼亂呢,同爸爸商量好耐,終於叫o左

1.必叫o既鹽焗雞半隻$84.00
好快到o黎,好大隻.我唔點沙薑試吓先,唔….有雞味,肉實,但唔夠鹽焗味,麻麻地,一定要點沙薑食,咁就變o左係沙薑雞唔係鹽焗雞.好懷念以前醉瓊樓o既鹽焗雞,o衣o家係咪多數都係鹽水雞呢?而且覺得呢隻冇o係九龍城南記飯店o既咸雞好食.
味道: 1分

2.東江豆腐煲$48.00
爸唔食得豆類都叫,可能佢貪有湯o掛.點菜時亞叔都提我o地有湯o架喎,驚我o地落錯order. o黎到,都幾多大大件o既釀豆腐,豆腐唔太滑,豬肉餡夠甜,底有幾塊o既大生菜,湯好清甜,顯然冇落味精,而且仍夠熱
味道: 4分

同3. 百花釀大腸$70.00
爸o係炒豬肚同呢個菜掙扎o左好耐,決定要呢樣,可能我o地少食o掛.o黎到,臭到好重油炸味,不過好乾身,大腸部份唔多,成件大多數係蝦膠.食到大腸依然係腥,我就諗始終都會有呢陣味,但爸話係處理得唔好,不過蝦膠幾鮮.
味道: 2.5分

我o地重叫o左三個白飯,爸竟然重飲罐忌廉添.@.@”

最後,我o地樣樣o野都剩返啲.

o係等菜時,我o地食啲花生,唔香o既?

環境:
好迫,枱與枱之間o既空間唔夠.

埋單$221.00

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================