** 此食肆的第四個OK **

尋日(19-3-2008 Wed)朝食晒麥片又唔記得買今日早餐,於是又要諗.唔…..瑞士卷,不過銀龍朝早冇咁早開門,又唔想幫襯萊茵河,於是今早o黎呢o度買啦.睇吓睇吓,有瑞士卷,不過係成條買,唔得.於是睇吓有冇其他麵包,見到有$4.00o既豬柳包,唔…..好啦,就o黎個,然後見到個妹妹仔整o緊啲蛋撻,於是問吓佢幾錢個,佢答$2.00,其實唔係好大個,算啦,買一個試吓,於是就買o左呢兩樣o野.

行去等車,摸吓個袋,啊,個蛋撻重係熱o既,原來係o岩o岩出爐,好興奮啊,不過今日刮大風,而我等o架巴士又好耐至到,卒之返到公司,個蛋撻涼o左好多.影埋相,先食個蛋撻先.佢係牛油皮,脆口o既,而蛋呢,算中上質素,算滑同有蛋味,可惜太細個.

然後到豬柳包,包就大大個,豬柳就好細件,沙律醬同茄汁望落唔多.食落,唔…..豬柳OK喎,有少少黑椒粒,有啲似麥當奴o既,只係佢凍囉.而食到中間,茄汁多少少時,就蓋過o左豬柳o既味道.

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================