** 此食肆的第二個OK **
尋晚(16-12-2007 Sun)應二哥之邀,一家人o係呢o度打邊爐,佢o地事前冇book位,我就有啲擔心.約7:15pm一行八人到o黎,o係樓下已知到有人擺酒,咁今晚應該會幾爆,上到去,receptionist問我o地食小菜定打邊爐?我答打邊爐,佢話冇lu,今晚full o左.噢!想向家人說時,佢好快咁叫我o地等等,原因o係我o地之前o個四個人開頭話打邊爐,但又改變初衷轉食小菜,所以我o地好彩地有最後一張打邊爐枱.佢o地有分任飲任食或逐樣計兩種,我o地揀o左任飲任食o個種.Receptionist問我o地幾多個大人小童,我答七大一細,心諗要計咩呢?
我o地行到去張枱,嘩!係好大張o既枱,唔逼夾..我o地揀o左皮蛋莞茜湯底.呢o度都有好多種醬料畀客人自己撈,係多都數唔晒o個隻,所以我o地要自己行去一張枱o度攞.唔單止咁,就連凍飲,如汽水,啤酒,一jar jar o既酸梅湯等都o係o個o度自取.
好,叫o左好多o野食,第一輪好快到齊.綜合o黎講呢o度o既o野食係一般.當我o地清得七七八八再落order後,二哥話數量要填’三’,因為唔會畀足你,或者會冇.呢啲情況應該o係好多酒樓都會發生.但我後加一碟醬爆墨魚丸,等o左好耐到o黎喇,size好巨型,好大粒,o岩o岩全碟放落個鍋o度啫,另一個年紀都幾大o既傳菜又拎一碟o黎,我大嫂話唔要喇,o岩o岩放o左落去,唔要喇.個亞姐竟然好惡話咁你唔好填啦.我當時聽唔到咋,否則我會同佢講’我o地由頭到尾都只填一碟,而且我o地唔想o徒o野,你拎返入去有咩問題?做咩要咁惡對客?’
講返超巨型o既墨魚丸,內裡o既係蝦醬,但墨魚丸冇咩墨魚味,亦唔彈牙,唔係幾好.
而雪花牛係好鬼死肥,肥o既地方佔6-7成,好彩只要兩碟.
炸魚皮,簡直係一食兩味,淨食幾好,幾脆口.而打邊爐我就第一次試,又幾好味喎.
而其中有個叫’雲南小瓜’(係咁上下啦),原來係切條翠肉瓜,我覺得同啲湯唔係咁o岩味.
我o地自取竹蔗水,出面有三種色o既飲品.斷估攞o左最淺色o既o黎飲,咦,唔係竹蔗水o黎o既?我飲到檸檬味,各人唔信,二哥才記起應該係西柚汁,大嫂都試吓,係喎,不過有加檸檬.呢個我覺得一般啦,但以後如果知o既話,應該唔會攞o黎飲.
之後我去攞深色少少色o既,應該真係竹蔗水lu o掛.拎起,真係,見到有茅根同紅蘿蔔o係入面,冇錯啦.我斟少少o黎飲,飲落,嘩!!!!!好甜呀!係勁甜,唔好飲.
甜品:
我食o左一碗綠豆糖水,綠豆未煲到起沙,不過都腍同唔太甜,OK.
而爸就食o左少少西米露,佢話幾好食.
另,呢o度o既豉油好鬼鹹,鹹到我唔想醮.
開頭我八吓夾係’食品記錄咭’上o既o野,被我睇到
1.食剩食物,唔理生定係熟,一律以每兩$5.00收費.
2.剩下飲品以正價計算
3.持長者咭者同唔記得身高幾多厘米以下之小童可享半價優惠.
就咁,我爸就有半價.不過佢o地唔會主動講,係我發現o左叫侍應處理,呢樣就唔係好得啦.
服務就因傳菜惡亞姐同唔講有優惠呢兩件事而要扣分,就算二嫂o係o度識人都係咁話.
埋單$801.00,唔係好明點計,話$98.00一位,唔知有冇加其他o野.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
