26-7-2007 Thur晚,打完羽毛球搵o野食,諗住去路德圍魚鱻魚湯專門店食,點知好多人等,而且朋友們又餓又話要有冷氣,坐得舒服,擺到架BB車o既地方食.咁即係要放棄呢o度啦.路德圍呢o度食肆立林,同女性朋友M逛逛睇吓有冇o岩佢o地要求o既,點知,都係冇.於是提議去江戶前,因我都食過幾次,覺得唔差,於是拉大隊去.去到門口,女性朋友L同I又話唔食得生o野,於是又臨時改變到隔離o既稻草人食.
此時應該係8:50pm左右,入到去,8-9成full,對住收銀個位玻璃牆o岩o岩有兩張四人枱剩,o岩晒我o地六大一細,女侍應見未執枱,於是入去叫多個女仔出o黎一齊執.
坐低o左,嘩!套餐唔算平喎,at least $30.00只包一杯$13.00以下飲品或$10.00以下甜品,over o既就加錢.
我叫o左$30.00o既鰻魚肉燥同加$2.00o既青蘋果綠茶.
朋友L同I叫o左$30.00o既雞扖肉燥,一個要熱華田,一個要鮮檸檬紅茶(唔駛加錢)
男性朋友K叫o左$30.00o既牛扖肉燥連同$2.00o既士多啤梨紅茶
男性朋友D同朋友M叫o左$35.00o既豬軟骨菠菜麵,前者要加$2.00o既青蘋果綠茶,後者要加$4.00柑桔檸蜜.
等o左一陣,飲品都齊,係有青蘋果但太甜,救命.士多啤梨紅茶係好紅色,紅到好假,K都話太甜.而柑桔檸蜜重妙,有一片仔已’篤’o左o既檸檬,朋友們研究係唔係上手o既?=_=”
飯餐都陸續上齊,飯都幾多,鰻魚size都適中,唔算太細條.先食肉燥,好甜,再食鰻魚,更甜,唔係鰻魚甜,而係啲汁甜,一定要撈飯食.
而食牛扖肉燥o既朋友亦都話好甜,又係啲汁.
兩碗麵好耐都未o黎,要催.o黎到喇,我未食過菠菜麵,於是都偷少少o黎食,怪怪o既?M話唔好食,咁佢食豬軟骨啦,我見豬軟骨都唔細,問佢如何,佢話係…豬硬骨,唔軟o既,又係唔好食.
我冇問另外三個朋友,不過我諗都心中有數啦.
呢餐飯就係得兩個字－甜同差.唉!又中招.
服務唔錯,唔會叫極唔應,都幾殷勤同nice,而且免加一(不過咁o既價錢其實已經包o左),但冷氣唔係幾夠.
Total只係$200.00,六個人,唔睇食物質素就好抵o既,咁希望佢o地改善同唔加價又維持/改善少少服務水平,咁好評應該會陸續有來喇.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
