尋日朝(19-8-2007 Sun)趁可以自己一個食早餐又要落荃灣整啲要體力勞動o既o野,於是想去好評如潮o既嘉樂冰廳試試.點知,8:05am o黎到,未開門?唯有行去隔一個舖位o既蘭香,都有7成滿,亦仍然有卡位.我叫o左$@3.00 o既特餐,加$0.50要多士,熱奶茶(因為我覺得個位幾凍).
一會兒,奶茶送到,其他o既牛油多士,火腿奄列,午餐肉通粉都到齊.其實賣相一般,通粉幾大碟,而湯係較深色.先食火腿奄列,普通啦,牛油多士幾厚,好脆.食完後食通粉,食o左幾啖開始飽飽滯滯,不過都要食晒佢,最後飲埋杯變暖o既奶茶,好彩只落兩茶匙糖,否則會太甜,都o岩o岩好o既,有茶味唔會太淡.
呢o度真係做熟客生意,九成o既入o黎o既客人佢o地都識,不過對生客招呼都唔錯o既.佢o地都朝氣勃勃咁o架,而且啲亞姐真係好盡責,人多order自然會多,而廚房亦會做漏或慢啲,亞姐就會睇吓邊張枱欠咩o野就提廚房,最佩服佢o地o既係佢o地唔寫紙就記得o個枱食咩一直都埋單都係,真係醒.
其實o野食係普通,不過可以話係人情味搭夠.
可惜呢o度離我屋企算偏,否則可以密密o黎o既.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
