終於等到add o左呢間麵包店喇.
18-6-2007Mon,早上可以一償食蛋撻同雞批做早餐o既心願喇.
時間尚早,只7:55am到來餅店,門口有一個專賣中式早餐如腸粉,炒麵等o既中年女人,我入到去就只有一個年輕女收銀,就冇其他人.由於蛋撻同雞批都放o係只有收銀至攞到o既一個透明烘熱o既爐內,於是話要一個蛋撻同一個雞批,我打開銀包,發覺最細o既紙鈔都已經係50蚊,於是我好唔好意思咁同佢講唔好意思冇散紙咁畀o左佢,佢一粒聲都唔出只顧找錢,與此同時我發現佢只係畀o左個雞批,於是同佢講我要多個蛋撻,咁佢就拎埋畀我同找返$42.50我.咁我當然仍留o係店內放好啲錢先,此時一個年輕男顧客都付款畀佢,佢o地有講有笑.原本都唔覺得咩o野,但諗落,你都好掂喎,對住男客就好service,女o既就好似啞o左咁,就連一聲多謝都冇.
返到公司,先食$2.50o既蛋撻,係酥皮o黎,不過都唔係太厚,都OKo既,蛋撻要趁熱食至好食.到$5.00o既雞批,好細隻,我估直徑只有2寸左右,咬落去,食到好濃o既洋蔥味,見到有火腿,皮係夠鬆o既.食完之後覺得唔值,而且只有一個'漏'字,失望.之前都食過一次,覺得一般,絕對唔可以話好食,加上之後試過Pie & Tart o既雞批後再食佢就簡直係冇得flight.
Pie & Tart o既固然係貴過佢(好似$7-$8一個),但人o地係大個啲又唔漏,同service好佢好多,有禮貌之餘又有笑容喎.人客o黎幫襯(雖則唔係好貴o既o野),但至少都要講聲多謝吖,如果話你啲o野好食,冇禮貌都或者忍一忍啫,但o衣o家就連一般都有,重咁高斗?真係想Pie & Tart或其他有好評o既餅店o係o度開返間啊.
我諗詳細分開畀分好啲.
蛋撻:
味道同抵食都係3分,因為食完個蛋撻都唔覺漏且OK.
雞批:
味道同抵食都係2.5分.一直滯到12:15pm @@"
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
