尋晚同兩個朋友帶住一個就o黎兩歲大o既世姪女o黎o左呢o度食晚飯,由於朋友推住BB車,而尋晚個場好爆,因有一班一行34人o既booking,所以......
我o地張枱係入面第二張,開頭我o地行到去時,係四張摺椅,我o地梗係唔鍾意啦,於是叫佢換返,由於真係太多人,所以只可以換到最後o個兩張高背椅畀我o地;而個小朋友就好啲,有BB椅坐,唔錯;而最唔錯o既就係呢o度o既侍應都好好,主動話幫我朋友'泊'好架BB車.
之後我o地就安安樂樂咁享受我o地o既晚餐plus朋友o既生日飯.
睇睇餐牌,咦?有我未食過o既魚子醬,而且我覺得要食魚子醬非要到高級餐廳/酒店不可,所以即使唔多鍾意食煙三文魚o既我,都係揀o左$88.00o既魚子醬煙三文魚天使麵,一個朋友同我一樣,另一個朋友就揀o左$98.00o既燒春雞配甜薯.
好,出去攞湯,頭盤同沙律先,湯得一款,重要係我唔飲o既羅宋湯,失望.我覺得呢點失敗o左少少囉,點解唔係最少有兩款湯畀人揀o既咩?@@"
頭盤有凍蝦,螺,青口,凍肉等.由於唔食得蝦,所以冇試,試o左啲螺同青口,螺就一般,青口唔腥,可以唔加檸汁食,唔錯.
之後侍應好有禮貌咁問可以上主菜未,當然可以啦.我o地o既天使麵o黎喇,好香忌亷汁味,幾片煙三文魚砌成一朵玫瑰花,上面加少少魚子醬,放o係天使麵上的中央位置,賣相唔錯不過略嫌份量少o左啲.朋友o既燒春雞都到o左,好細隻o既雞,擺o係甜薯上.雞只有半隻,朋友冇為意menu上寫上甜薯,佢話好甜.而我o既天使麵,我當然先試魚子醬,好咸啊.煙三文魚,咦?出奇地唔係好重煙燻味,都易入口,麵方面,好'淋',但已經唔係好熱,面有啲乾,要撈埋下面淡淡o既忌亷汁至好食.我諗,食呢個菜將所有魚撈埋啲麵一齊食鹹味就會o岩o岩好,可能係我唔識食啦.
最後到甜品,甜品種類唔太多亦唔係太少,我攞o左少少意大利芝士餅,迷你什果撻,焦糖燉蛋,鮮果布丁.
意大利芝士餅好味.
迷你什果撻唔知係咪擺o左好耐,蜜桃都幾乾,但撻皮OK o既.
焦糖燉蛋,焦糖凍晒變成一片糖膠,好甜呀!燉蛋幾滑,唔太甜,唔錯.
鮮果布丁,布丁都係幾滑同唔太甜.
然後再攞士多啤梨同雲利拿雪糕.士多啤梨入面原來有果肉喎,幾好味.
環境方面,如果冇o左o個班一行34人o既家庭聚會o既話,應該會幾舒服,坐位亦唔迫夾.
啊,原來呢o度唔一定要食個餐,可以就咁只食頭盤同甜品自助餐o既,大人好似係$74.00,小童$58.00
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
