尋日(12-6-2007)出o黎開會,12點食lunch,同日本老闆頭痕唔知食乜好,佢又話冇所謂,但我對呢o度唔係熟,即call呢o度o既地頭虫朋友救急,佢提到呢間o野,搵到喇,老闆'up'頭話好,於是入去坐.由於時間尚早,所以冇乜人.
地方同座位都好大,舒服o既,不過音樂有啲嘈吵o左囉,攪到我成日聽唔到老闆講o野.
好,點菜.老闆叫o左90蚊o既龍蝦雞蛋麵,本來我都想要,見佢揀o左呢樣,咁我就要58蚊o既紮肉幼米線,餐飲係青檸梳打,由於叫呢兩個餐可以以特價18蚊叫啲指定小食,於是揀o左春卷同6吋長蔗蝦,另58蚊o既豬頸肉.好豐富.
先o黎飲品,第一口好甜,之後我攪攪佢,就唔甜喇,我諗我第一口係飲到糖水o掛.不過一直飲落去,覺得甜味不足,麻麻地好飲.
我o既紮肉幼米線o黎o左,好似有4-5塊紮肉腸切片,越式幼米線,望落去都唔幼既,似一般標準麵條o既闊度,味道與公仔麵無異,我想問啲侍應其實係咪公仔麵,湯都係唔熱o既,因為我o地都幾趕時間而且我有時都唔係咁介懷溫度,所以o衣o家至諗返起佢唔係熱鰧鰧o既.
老闆o既龍蝦雞蛋麵終於o黎喇,原來唔係湯麵o黎,眼見份量唔係太多,我問佢好唔好食,佢答OK.小食都到齊,佢先試豬頸肉,話好味,我都試吓先,唔油,OKo既.而6吋長蔗蝦係切開一半上o既,但我唔見得隻蝦有6吋長囉,係咪條蔗有咋?而春卷都冇咩特別.唉!遊客區=呃錢區?!
下次有機會都唔會o黎呢間食喇.
============================================
感謝 愛食 提供以上資料
愛食 的網誌: http://www.openrice.com/zh/gourmet/reviews.htm?userid=46226&city=hongkong
============================================
