因住在樓上, 商場又只得一間茶餐廳, 迫於無耐, 一星期都會去食一、兩次早餐, 由開業至今, 燒味飯的質素尚可保持基本水準, 更準確的形容是, 叉燒尚可保持水準, 燒鵝已經不復開張時的水平了, 常見到暗淤顏色, 但今天唔同你講"燒味"住, 鬧咗你個"早餐"先...
![逸棧的相片 - 紅磡)]()
落單後, 唔使一分鐘就送嚟檯面, 一睇個樣, 我咁低能都知道係"整定"啦... . 好吧...."整定"都唔緊要, 但可唔可以整得"好樣"少少呀!? 隻蛋煎得樣衰到呢, 借用「白宮發言人」的名言: 三個字: 硬 實 乾 凍.... 午餐肉油油的表面, 以為炸過吓, 點知入口都係微暖...
![逸棧的相片 - 紅磡)]()
沙嗲牛肉麵, 沙嗲牛肉整定後放公仔麵的上面 是常規, 無問題. 但沙嗲汁仍是一舊舊固體膠狀, 粘著牛肉片上, 入口冰凍... 好心唔好咁懶, 應該一早把沙嗲牛肉翻熱先, 然後才放上麵, 這才是應有之道. 好彩, 出前一丁都算正常, 軟硬度適中.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
