![八妹雞煲的相片 - 油麻地)]()
家中那部高檔Rowlett Rutland 多士爐的發熱片終於壽終正寢, 今天專誠再去油麻地上海街走走, 到廚具店鋪, 配翻幾塊新發熱片. 貴價多士爐, 英國貨, 二千幾銀, 全手動, 好處係...用一世都唔使換機.
![八妹雞煲的相片 - 油麻地)]()
買完後, 再走走其他店, 看看有趣的廚具, 差不多五時半, 再向旺角和彌敦道方向行多兩步, 到了八妹雞煲店, 友人剛到, 一於來過"下午茶綜合晚餐"...
![八妹雞煲的相片 - 油麻地)]()
門口幾張介紹和雜誌訪問, 吓!? 原來"八妹"係男人呀?..... 介紹講到: Mr. eight-sister 由大埔衝出旺角, 應該都有水準吧.
![八妹雞煲的相片 - 油麻地)]()
窗口貼著: 7:30前離座可享85折優惠, 現在才5:35分, 兩小時.... 學Tree根話齋: 肯肯定夠啦...
![八妹雞煲的相片 - 油麻地)]()
六時未夠, 清閒時段, 所以有優惠, 吃得也特別舒服, 店員有禮貌, 態度非常好.
![八妹雞煲的相片 - 油麻地)]()
天時暑熱, 坐低先來一枝大藍妹 ($28), 超凍, 好正, 連續三杯落肚, 當堂清涼晒..
![八妹雞煲的相片 - 油麻地)]()
店名寫明: 雞煲專門店, 唔使再諗... 雞煲, 半隻, 小辣 ($125).
![八妹雞煲的相片 - 油麻地)]()
10分鐘左右, 雞煲上檯, 表面觀察: 唐芹、洋蔥、雞件. 深入研究, 調味配料: 紅辣椒乾、花椒、胡椒、大蒜、八角等... 還有一陣紹興酒的味道.
![八妹雞煲的相片 - 油麻地)]()
滾起後, 隨手執件雞脾肉, 配上紫紅洋蔥, 雞皮厚薄適中, 無需施手術, 皮肉齊落肚, 好味!
![八妹雞煲的相片 - 油麻地)]()
醬汁味道不算太辣, "小辣"比想像更輕一點, 也好, 友人喉嚨有些發炎, 太辣也不太適合. 雞煲必有大紅袍辣椒, 炒過後才放入煲會增加"麻味"程度. 睇全時間, 洋蔥煮得剛剛好, 軟身之餘也不失爽口, 最愛雞背部份, 有骨且肉嫩滑, 皮不算厚, 也不算薄, 可與雞肉一起吃下.
![八妹雞煲的相片 - 油麻地)]()
手切安格斯牛肉 ($138). 比一般的切得厚身, 肥花均勻, 不會偏在一邊, 肥瘦大約佔六四之分.
![八妹雞煲的相片 - 油麻地)]()
靚靚牛肉, 只需放熱湯內十數分鐘, 汋好後, 已不覺有太多的肥膏, 入口軟滑 也有原始牛肉質感, 雖然切得厚身, 但全不覺韌, 近望可見牛肉有一點點的辣椒碎, 微微的麻辣味道, 好惹味.
![八妹雞煲的相片 - 油麻地)]()
此店的火鍋配料, 並未有花時間去考究裝飾和賣相, 但食物質素絕對中上, 這碟白鱔片($88)的水準十分好, 份量足, 切得比一般的火鍋店厚一倍.
![八妹雞煲的相片 - 油麻地)]()
放湯, 滾五至七分鐘, 夾起, 看見受熱後彎曲的外型, 如做"蒸大鱔"的厚度, 肉質彈牙, 加上連鱔皮, 咬落有膠質感, 微微煙韌, 好滿意.
![八妹雞煲的相片 - 油麻地)]()
炸響玲 ($38), 即叫即炸, 上檯時嚇了一跳.... 大到呢.... 無可能一口食一隻, 要打碎分開, 才可以入口.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
