6 旅客生意.....

自從翠華大開分店, 重上埋市, 近年的連鎖茶記愈開愈多, 其實有很多間的老闆都是由翠華出身, 認真犀利…. 但好多做自由行既茶記的質素, 就愈做愈差, 無他, 做得旅客生意的食肆, 十成九的水準都必定下降, 你睇廟街近佐敦道的大排檔, 就知一二, 那兒的大排檔都是專做遊客生意, 接近無本地人幫襯, 水準差到無朋友… 因為旅遊人士的要求, 必定比本地客的要求為低, 香港人出外旅遊時都一樣, 到外地旅遊, 總會把要求放低幾級, 加上不滿意之後反映的傳播速度, 也不及本地人的快速, 所以, 做遊客生意的店, 食物質素只會愈做愈下降.

但佳記位於尖沙咀的店, 又是一例外, 雖然都係做自由行生意, 但水準唔差, 多間連鎖茶記, 佳記最先在門口賣包, 餐廳門口的麵包櫃, 放住各式傳統麵包和蛋撻, 賣相非常吸引, 顏色新鮮, 又大, 又脹卜卜, 好精神, 好想一口咬落去…

雖然約了友人晚飯, 尚差半小時, 都…等不到了. 入去整翻個”菠蘿油”先…

下午茶已過, 只有散叫, 一杯咖啡都要十八蚊, 物價愈來愈貴. 可惜質素與價格未能成正比. 這杯咖啡唔太合格, 雖然夠熱, 奶足, 但帶些少酸味 (是咖啡酸, 並非壞了的酸).

菠蘿油, 無懈可擊, 十分滿分, 這包, 我比九分. 減了一分, 就是尚差些少的熱度. 包面, 脆皮, 甜度剛好不過份, 包身軟綿綿. 

中間一片鮮牛油, 雪得非常硬, 咬一啖入口, 直情有紐約芝士餅的口感…. 晚飯時友人問: “有無跨張D呀!?!?!?? 收咗佳記老闆錢呀…” 哈哈哈…. 無做馬呀! 真金白銀廿九蚊架!!!
食得半飽… 希望老友唔好咁早到….哈哈….

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================