6 名店鄰居, 唔易做...

座落兩間名店隔離, 一間地頭蟲(麥文記), 另一間, 剛加入此街的戰團不久(麥奀記). 而這新開的店, 定價也不低, 心想, 不是找死, 就是藝高人膽大, 是否武藝高強? 試過就知…

午市套餐直落至晚上六時, 餐牌: 京都炸醬麵, $30, … 以為係”撈麵”, 原來睇錯, 撈麵要加多$7 …無所謂, 豪比你, 最緊要好食.

上檯, 麵身沒有那種光亮的眼色, 而是一種乾燥的亞色, 炸醬, 入口, 唔係唔夠熱, 而係凍. 紅至橙色的醬汁油份, 望落有些少擔心. 肉絲, 經細心檢查, 全無暗淤色, 入口, 感覺良好, 肉質佳, 肥肉少. 麵身其實做得不錯, 口感彈牙, 唔覺有鹼水味, 其實我喜歡有些少鹼水味, 把鹼水味的麵, 沾一些醋來中和, 入口反而更特別, 但這口味則見仁見智, 大多數朋友都不喜歡鹼水味的麵, 這店合晒佢地口味了.

湯，不似有味精，但並非傳統雲吞店那種透明黃的湯底, 也沒有那種大地魚溝了味精和蝦殼粉的味道. 其實, 純以湯而言, 成本可能更高, 但食慣了傳統的雲吞湯的味道, 不太喜歡這款新發明.

有譚校長幫手宣傳一吓, 好過絛....整體出品, 實算不錯, 但未致於出眾, 要在兩間名店突圍, 尚要花多些精神努力.

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================