![源味棧的相片 - 紅磡)]()
之前食過小菜, 的確唔係好夠水準, 一般的茶餐廳貨色. 今天再來, 唔敢叫小菜. 比多次機會, 試一試烤魚.
![源味棧的相片 - 紅磡)]()
本來想食四川麻辣口味, 但友人喉嚨痛, 轉為食酸辣味. 名為: 酸辣枱面魚, 原條$238, 大邊$168, 細邊$148. 大家都不太肚餓, 就要了”大邊”.
![源味棧的相片 - 紅磡)]()
來到時, 感覺比想像中的要大盤. 配菜已經放埋入盤, 包括: 芹菜, 大蒜, 莞茜, 雪菜, 大豆芽, 蘿蔔, 酸豆角. 蘿蔔大概七、八件, 口感幾好, 無根, 有蘿蔔的甜味. 但除了蘿蔔外, 其他配菜, 食完後實在無太大感覺, 好一般.
![源味棧的相片 - 紅磡)]()
要了大邊的份量, 其實就是多了魚頭和魚尾部份. 鯇魚, 當然不及貴花的軟滑, 但價格便宜一點. 今天這條鯇魚, 十分滿意. 魚身外皮煎炸過, 這是很多烤魚店的慣常做法, 但有些烤魚店卻煎炸的太過, 引至魚肉都被炸得太乾和缺水. 而這店炸得剛好, 炸了的皮, 不易爛, 也形成煙韌的保護層, 使魚身不易散開. 酸辣湯水的味道比想像中要淡一點, 但味道都好, 可能不適口喜歡濃味的人.
![源味棧的相片 - 紅磡)]()
補叫了一碟蓮偶片, $25, 切得略厚, 如果打邊爐, 這厚度沒問題, 但烤魚的盤太淺, 火力又只集中在某些少位置, 煮了好耐, 仍然很硬.
![源味棧的相片 - 紅磡)]()
藍妹啤酒, 大枝, 只$25, 平過紅磡街市大排檔, 如果玻璃杯是雪過的, 就更好了.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
