![Chef 39的相片 - 紅磡)]()
崇潔街其中一間小店, 坐位只放在一條走廊, 一邊大概也只有二十個位, 另一邊就是開放式廚房了. 本來想去食”阿芳餛飩”, 但今日痴咗線, 竟然滿座, 唯有再走走, 經過此地.
![Chef 39的相片 - 紅磡)]()
早餐, 要了最貴的款式: $38, 牛扒, 好細件, 無醃過, 淡淡的, 只有些微微的牛扒味, 無論如何, 總好過醃到軟淋淋, 除了size外, 我滿意. 香腸, 類似法蘭克福腸, 但比較幼身, 口感也沒有法蘭克福腸的煙韌. 煙肉, 大塊, 肥肉少, 煎得未夠香口, 鹹味略低. 炒蛋, 加入了奶或其他配料炒, 顏色明顯比一般的淡, 口感幼滑而略欠蛋味. 茄汁豆和半件蕃茄, 微微煮過, 暖身. 多士, 比較薄, 烘得未夠香口, 表面還是白白的顏色.
![Chef 39的相片 - 紅磡)]()
咖啡, 有泡浮面, 機製, 味道淡, 個人口味, 喜歡早餐要淡一些, 中午濃一些, 下午茶又淡一些, 這款淡味道, 最適合我早餐的口味, 幾好.
![Chef 39的相片 - 紅磡)]()
整體味道不錯, 以紅磡工廠區而言, 這價錢也算適中. 唯檯面用的竹製檯墊比較污穢, 有些倒胃口. 小店經營, 就算做得不太好, 也支持一吓, 比個Good你先.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
