6 估你唔到..囉

開業不過數月, 放工經過無數次, 都無諗住幫襯, 因為知道係之前間”麻辣媽媽”改頭換面”之作, 未”改頭換面”之前, 已經去過, 無太大吸引力. 心諗…. 搵”荔園”作賣點, 裝修又求其, 無理由得啩….,

點知…又睇錯, 呢排真係眼光極差, 次次都估錯, 當晚, 其他食肆只有一兩檯客人, 而這店就接近坐滿, 果然…香港消費者都係好神奇….不過, 都係不改我的睇法, 靠”主題”經營的食肆, 唔可能維持得半年, 除非..食物品質可以配合.

既然咁多人上當, 我都係香港其中一個平庸既消費者啫….無理由唔去試試啩…哈哈… 已晚上十時, 還有七成坐滿, 見很多檯客都是食”Lego”甜品….但我晚飯都未食呀…..

先來一杯生啤, Asahi, 500ml, $48, 泡略為多了一點, 落單後, 遠望見一位員工在水吧櫃檯攪了好耐, 倒了一半, 又放回檯上, 等了一陣, 又倒多些少, 可能機件故障問題, 好擔心我杯啤酒…. 好彩…. 都夠凍

炒蓮藕片, $55, 份量和材料, 比想像中貴了一點, 味道也鹹了一點, 但粉口度和爽口度平均, 口感適中.

麻辣魚腩煲, $78, 這個份量, 比想像中要多了一點, 鯮魚大件, 口感新鮮, 肉質彈口, 煎過的魚皮味香. 落單時忘記了詢問辣度, 但出來的味道頗滿意, 中麻, 中辣. 配菜還有不少的青瓜.

白飯質數不合格, 些少粉口, 飯粒爛頭爛尾, 飯身口感過淋, 唔熱.…係正常….

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================