友人最愛周圍搵食, 專揀米之蓮名店. 講咗好耐, 好多次, 由此店的梁師傅收山, 講到梁師傅又出翻嚟, (好似明星般, 話退休, 唔再唱, 但轉過頭, 又出翻嚟開演唱會, 話....唔捨得歌迷....喎...哈哈哈...), 終於都有得食了. 對精緻中式菜, 真的提不起很大興趣, 但間中食一兩次, 當然也無所謂...哈哈...得罪好多人了. 無論如何, 沒有貴價材料的晚餐, 今次食咗 每人一千二百元 (包括一枝紅酒).
精緻中式菜, 多賣相精美, 當然 味道也不差, 凍食的菜式確實好味, 但傳統菜式, 則上檯時的熱度和火喉不及傳統中式名店. 可能老友知我唔太喜歡精緻中式菜, 怕我食唔飽, 今晚叫了超多菜式, 好似幾日無食飯咁, 真失禮....
![海景軒的相片 - 尖沙咀)]()
玫瑰花香燻帶子, 哈哈...真係有玫瑰味, 有燻煙味...同樣價錢可以食到大兩三倍的新鮮連彀帶子.
![海景軒的相片 - 尖沙咀)]()
瑪瑙牛筋片, 幾好, 彈牙, 有咬口, 似羊脂凍, 好味.
![海景軒的相片 - 尖沙咀)]()
明爐臘腸卷, 味道唔太鹹, 有咬口, 好味.
![海景軒的相片 - 尖沙咀)]()
鮮竹時蔬卷, 腐竹包住了菜蓉, 一粒杞子放面, 隱約聽到有人講: 杞子明目, 好有益呀...呀.... (但係...每件只有一粒咋播.... )
![海景軒的相片 - 尖沙咀)]()
四寶元肚竹絲雞湯, 足料靚湯, 用豬肚袋住隻雞來煲, 阿媽間中都煲過, 只不過無袋住隻雞來煲, 唔知道會唔會影響湯味道...
![海景軒的相片 - 尖沙咀)]()
花雕蛋白蒸蟹拑, 花雕味道不夠香濃, 蛋白夠滑, 蟹拑軟熟.
![海景軒的相片 - 尖沙咀)]()
龍王白玉卷, 蟹黃底, 打散菜蓉加蝦肉再加魚肉, 賣相一流.... 好睇....都幾好味....啦..
![海景軒的相片 - 尖沙咀)]()
蜜梅燒骨, 我覺得最好食的其中一款, 心諗: 送飯一流..., 好想叫碗白飯, 但都係無出聲...
![海景軒的相片 - 尖沙咀)]()
萬壽果牛肋肉, 萬壽果有果味, 牛肋肉有牛味... 這是我的評價, 無補充了.....
![海景軒的相片 - 尖沙咀)]()
青翠白玉蔬, 又係與龍王白玉卷一樣, 賣相一流, 味道.... 唔差吖, 有菜味, 竹笙好食, 係咁多.
![海景軒的相片 - 尖沙咀)]()
鴛鴦糯米飯, 意想不到吧, 這個是糯米飯.... 哈哈..哈... 好美觀, 賣相一流, 唉.....我突然想起...灣仔強記既糯米飯.....好想去食....
![海景軒的相片 - 尖沙咀)]()
家鄉煎茶果, 已經唔記得點樣好味道了
![海景軒的相片 - 尖沙咀)]()
泮糖山渣卷, 賣相與味道都好, 好喜歡, 我食了兩件.
![海景軒的相片 - 尖沙咀)]()
蛋白杏仁露, 幾好, 杏仁.... 味道唔錯..... 蛋白味道...都唔錯
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
