甚麼是溢價? 股民必懂, 就例如, 閤下喜歡的LV手袋, 成本連廣告費用, 最多都係值2千元一隻, 就算計埋所謂的Brand Equity, 頂多都係7至8千, 但佢訂價要2萬, 溢價高了一倍, 值唔值, 最後只能訴諸於市場了, 市場多傻佬, 發達… 一D都唔難!
一餐韓國菜, 起碼三百蚊一位, 話貴…就唔係好貴, 不過… 就硬係覺得唔係好抵.
![達人烤肉The Pan的相片 - 尖沙咀)]()
今晚, 三碟肉, 食咗差唔多六百, 我都明白, 此價, 包括了前菜和燒烤爐服務. 更仔細來講, 應該有一部份係韓國文化收費, 即是, 如果此店裝修和老闆都不是韓國式的, 根本不可能收如此價錢. 無論如何, 這間店已經不算貴了, 比起..行過D個間出了名的”起來呀老友”, 重要貴多三成左右. 香港真真是多傻佬, 今晚就有兩個了…
![達人烤肉The Pan的相片 - 尖沙咀)]()
坐低, 都費事諗, 就叫侍應哥哥介紹, 介紹完, 唔使再研究, 就嚟啦!
![達人烤肉The Pan的相片 - 尖沙咀)]()
一碟所謂全城韓式必食的有調味過的”護心肉”, 一碟貌似阿媽係街市買翻嚟無任何調味既煲湯”豬肉”, 還有一碟手掌大些少沒有調味的名為”肩胛牛肉”
![達人烤肉The Pan的相片 - 尖沙咀)]()
網上搜一搜睇睇, 咩野咁高檔, 同大家分享一下: “牛肩胛來自牛的肩膊部位。由於這部份的肉經常會被利用到，用以支拒橕身體及走動，因此相比起其他部位，牛肩肉的肉質會比較有彈性、有咬口。….”
![達人烤肉The Pan的相片 - 尖沙咀)]()
跟住, 又上一上網: “護心肉（Saorae）仍韓國近年大受歡迎食材，位於豬膜隔膜和肝之間，每隻豬只有二/三百克，極為矜貴。…” 咁都比你諗到做綽頭, 抵你發啦!
![達人烤肉The Pan的相片 - 尖沙咀)]()
致於點樣好食法, 就好似去BBQ咁囉, 其實無咩太特別, 大家可以睇吓其他之前的食評, 描寫得繪形繪色, 看完包你立即想去幫襯.
![達人烤肉The Pan的相片 - 尖沙咀)]()
此店現時尚未取得酒牌, 可以自携酒水, 免費, 這也是我給"笑臉" 和 會繼續幫襯的原因. 明晚我又約了嚟食喇… 哈哈.. 你話..係未犯賤呢
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
