去中式酒樓食飯和飲茶, 總係”放”一碟小食或酸菜係檯面, “放”係檯面既小食, 當然唔係唔收費啦, 通常平價酒樓收廿蚊樓下, 而貴價酒樓甚至以人頭收錢. 因應香港人的”權益意識”近年暴發戶式增加, 話說, 近年多談及到酒樓強迫客人要那碟小食, 顧客紛紛要求取消那碟被強迫付費的小碟, 於是, 酒樓又有”新橋”對付, 就係, 在”特價食品”的項目上, 寫明, 大致上是: “如顧客不接受酸菜, 則所有特價食品按價加廿蚊…”
![百樂門宴會廳的相片 - 尖沙咀)]()
講到話”餐前小食/酸菜”呢樣嘢, 其實我都係無咩意見, 呢樣咁既收費項目, 係行內慣用手法, 佢唔係呢到收你錢, 未一樣係另一度收翻你, 係茶錢收多你百份之十, 條數都係一樣. 而我通常只會睇最後總付出金額, 即一餐飯, 最後每一位人平均所需要的金額來判斷. 當然, 有些人會反對說: “你的方式並不能預計一餐飯的價錢喎… “, 這觀點無錯, 但…只係每人相差幾蚊而已, 如果你只係根據那”幾蚊”的差異 去判斷是否入內食飯的話, 我完全同意.
至於有些人話係”原則問題”, 那如果入了這間酒樓, 又唔打算立即走人的話, 應該就係, 寧願付多$20在各項食品內, 都堅決”不接受酸菜”….喇
講完一大堆廢話, 講翻食物啦,
![百樂門宴會廳的相片 - 尖沙咀)]()
燒豬頸肉, 上檯乾爭爭, 又無任何醬汁, 唔夠熱, 中間肉質入口尚算可口, 但邊位的部份完全又硬又實.
![百樂門宴會廳的相片 - 尖沙咀)]()
XO煎醬腸粉, 煎得未夠時間, 只有一至兩年有微微煎焦部份, 其餘都是略為淡的顏色, 又同一樣, 沒有給煎腸粉的配醬: 甜醬和麻醬, 攪錯!
![百樂門宴會廳的相片 - 尖沙咀)]()
馬拉糕, 顏色淡啡, 鬆軟, 入口微甜, 好味
![百樂門宴會廳的相片 - 尖沙咀)]()
海皇炒飯, 所謂海皇, 其實材料只有蝦和魚塊, 炒得頗乾身, 少油, 但未夠香口, 可再炒多一會, 讓飯身再收收水 會更好味.
![百樂門宴會廳的相片 - 尖沙咀)]()
脆皮义燒包, 夠熱, 皮脆, 义燒少肥多瘦, 汁不致於太多, 滿意.
![百樂門宴會廳的相片 - 尖沙咀)]()
燒賣, 蝦肉鋪面, 彈口, 無蝦味, 餡料的豬肉瘦多肥少, OK啦.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
