常餐, 生滾牛肉蕃茄通心粉, 嫩滑炒蛋, 牛油多士, $34,
![紅磡冰室的相片 - 紅磡)]()
生炒或生炸都易明白, 但唔知點樣生滾法? 即係用生牛肉煮?? 話明係湯粉, 牛肉就梗係用水淥啦?? 咁…唔係咁煮? 重可以有咩嘢方法煮?? 係呵刻左些少, 唔好意思, 但真係消費得唔太舒服. 侍應男男女女都全程黑面, 客人問多句都唔願意答, 以為茶/快/常/午餐這些例牌貨, 會好快有得食, 卒之因為其他客人轉檯的關係, 累到上檯時的食物大錯亂, 等成廿分鐘先嚟齊.
![紅磡冰室的相片 - 紅磡)]()
牛肉蕃茄通粉, 份量比澳洲的還少, 但蕃茄湯味道不差, 偏酸, 少甜, 還有幾件薯仔, 而且夠淋, 通粉未算十分彈口, 牛肉三件, 醃得太過, 軟棉棉, 唔太合胃口.
![紅磡冰室的相片 - 紅磡)]()
炒蛋多士, 的確是炒滑蛋, 半濕狀態, 味道和口感都十分滿意, 但份量更少, 估計只有一隻蛋多些少, 多士烘得只中間微燶, 近麵包皮附近仍白白色, 而且偏硬.
侍應同客人有仇, 可能只係個別繁忙時間, 比多次機會, 下次非繁忙時間再嚟多次才作準.
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
