這間意大利餐廳, 印象中, 開業已經三十多年, 記得小學時, 路經此店, 當時香港未有太多高級西餐廳, 當時年紀少, 感覺非常高檔, 還記開業初期不久, 已經有電視宣傳, 以”飛碟”作招來.

“飛碟”, 當客人在餐廳用餐時, 可以到隔離的小巷, 把玻璃餐碟拋下打碎, 詳細情況已經記不起了, 大致上是根據意大利某地方的傳統節日特色吧.

友人駕車, 不便飲酒, 只叫了一杯紅酒, 當然是意大利貨, Sangiovese merlot primo, 個人選擇, 平價酒不選”舊世界”, 更不會選Merlot, 但既然以意大利為名的餐廳, 也就意大利吧, 暗暗環境, 看不清顏色深度, 看介紹, 有胡椒、Cherry和Herb味道, 一啖, 味道真有些少櫻桃味, 香草和胡椒味? 唔覺, 反而有些少Vanilla味, 偏澀.

Spaghetti Alla Carbonara, 煙肉蛋意大利粉, 哈哈…. 意粉夠al dente, sauce creamy, 份量多, 吃得十分滿足, 如果芝士味再濃一點更好.

Pizza Al Salame 意大利腸薄餅, 賣相一流, 夠薄身, 接近餅乾的薄度, 上檯超熱, Salami夠多片, 唯一不足之處, 芝士味不夠濃, 薄餅整體上偏淡. 下次一定要試試Anchovies Pizza, 看看其鹹度如何.

最後來一客甜品, 選Tiramisu, 如果你以為是ladyfingers 內餡, Rum酒濃烈, 那必定失望到極, 但如果你只是以一般心情來品嚐, 名為Tiramisu蛋糕, 實質是Tiramisu雪糕, 可能有另一番風味. 一件圓西方的樣子, 中間是雪糕狀, 雪得偏硬, 但食落味道不差, Tiramisu的味道尚算可以, 底部食得出有微微的酒香, 伴碟加了半件士多啤利和奶油, 還有些甜汁裝飾.

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================