有人話，女兒係爸爸上一世嘅情人
咁我爸爸上世應該有好多情人啦XD
我家有三姊妹，
小時候我哋好鍾意痴住爸爸，因為爸爸會係星期日帶我哋去玩帶我哋買野食
我哋行到攰，又會抱起我哋，行下行下，不經不覺就會瞓著咗
我會跟住爸爸行書店，的會跟住爸爸去佢工作嘅地方，會跟住佢去泳池，會跟住佢同佢啲朋友食飯
雖然只係小朋友，無錢同佢慶祝父親節，但係我哋會偷偷畫父親節卡俾佢
等佢係父親節嘅早晨一張開眼第一時間見到我送俾佢嘅禮物
我的家個個都係好內歛嘅人
人越大就越唔個點表達對其他人嘅愛
雖然我唔再需要爸爸抱，唔再需要佢帶我周圍走
但係呢，我依然好鍾意同爸爸一齊行書局，一齊去旅行
父親節又快到啦，除咗同爸爸食飯，送禮物俾爸爸
不如試下同爸爸一齊做一啲以前一齊做過嘅嘢吖～
唔講出口，可以寫出來，亦都可以用行動來表示
好，先來一句父親節快樂，其待兩星期後的父親節吧！
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
