講起長洲，你會諗起啲咩呢？
大大粒魚蛋？芒果糯米滋？旋風薯片？紅豆餅？桂花糕？
咦？！全部都係嘢食嚟嘅？呵，係呀，我餵食呀麻～
um⋯⋯我呢，就會諗起平安包啦～
以前平安包精品唔係成日見到，成個長洲只係有一間做平安包嘅鋪頭，
雖然鋪頭唔大，淨係見到好多人係到排隊買包
包入面係蓮蓉，見到佢做好一鑼包打個平安印落去，睇落好好玩
聽聞打醮完後嘅包會得到神明疪佑
食咗佢仲可以保平安呢！
除左食，長洲人仲有個習俗
佢哋會將打完醮嘅包掛係門口，一掛仲可以擺半年，聽聞呢朝可以用嚟辟邪
Woo～唔知掛係我屋企門口得唔得呢？
講起打醮，係長洲人一年一度嘅盛市
除左有飄色，夜晚仲有搶包山活動
雖然包山上嘅包已經變成膠包，但係對於大家嚟講呢個都係一個祝福同傳統
真係好想去現場睇下呀，同埋⋯⋯
我想要一個包山上嘅包呢～
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
