有邊個係唔鍾意食零食㗎？
炸雞脾、薯片、薯條、芝士波，呢啲係係我嘅至愛
一到星期六日，揀直食唔停㖭呀！
食唔停有咩後果？
除咗肥，仲好熱氣囉⋯⋯
早排五一，一連放咗三日，薯片蝦條係咁食，仲有炸花枝、炸雞翼、炸薯條，唔熱氣都唔食
最後，食炸嘢送大禮，送咗幾粒痱子過我，仲要生係口唇邊，真係，多謝晒⋯⋯
生痱子生係呢啲位真係幾尷尬
一番到工司，個個都問我"咦，你爛咀呀？"
"嘩！，你好似俾人打咁我XD"
俾人笑都唔慘，最慘係你差唔多埋口，但係一笑又再一次將傷口"撕開"⋯⋯
上星期尾，終於等到個傷口埋口
點知其中一個同事講開啲攪笑嘢，我又忍唔到笑
一開口就feel到撕裂嘅感覺⋯⋯
二話一說，摸下個傷口⋯⋯咦⋯⋯有血嘅⋯⋯
一日笑幾鑊，一日個咀就裂幾次⋯⋯
簡直係好像不斷俾人插幾刀咁
所以我嗰日落咗命令唔準引我笑
最後，當然無人理我啦⋯⋯
經過兩個星期，我個咀角終於好番啦 （哭）
呢件事之後，我決定打後嘅日子會食少啲煎炸嘢⋯⋯
最少，呢兩個星期我會緊受呢個誡條嘅，呵呵呵
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
