無論中學定小學，我都係屋村學校讀書
到而家，間唔中都會撞到以前讀書嘅同學仔
中學同學都還好，有時撞到啲小學同學，真係差啲認唔到⋯⋯
女大十八變，唔好淨係話女仔，男仔都會變好多
曾經些過有人行過嚟同我say hi，
但係我完全無印像見過佢，以為白撞啦
點知最後佢話我知我哋以前係同班同學
（天啊！同班同學呀！我完全無印像）
有時候佢認到你，你認唔到佢，都幾尷尬
而且好多時當年最靚仔嘅男同學，到咗我呢個年紀都會走晒樣
當年細細粒，靚靚仔仔嘅男生，特然變咗個佬
（多年無見，係我心目中佢真係細細粒㗎！）
太突然啦，我真係接受唔到⋯⋯
寒喧一番，真係慶幸佢仲認到我
即係我仲keep到，唔係變咗好多啫～
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
