第二個星期，繼續畫Banner
今個星期嘅題目係櫻花～＊
我喜歡櫻花，喜歡佢粉嫩嘅顏色，亦都喜歡佢淡淡嘅香味
櫻花開嘅時間好短暫，風吹雨落，就會令脆弱嘅櫻花倒下
時間唔啱又會睇唔到
試過有一年同朋友復活節到青島看櫻花，點知去到先知櫻花會係我哋離開那個星期先開；
試過有一年同朋友三月時到台灣看櫻花，點知櫻花係剛過去嘅二月已開完⋯⋯
雖然每次都剛好錯過
但係估唔到有次係台中街頭亂打亂撞，發現一整條街都種滿咗櫻花樹
預計唔到嘅驚喜，令到我同朋友都措手不及
定眼望住呢條櫻花通道，永遠都唔會忘記呢個偶遇
四月，又係到韓國，日本追櫻嘅日子
大家準備好未呢？
你仲記記第一次見到櫻花係幾時呢？
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
