書展，話咁快又完咗啦
你哋有無一齊去趁熱鬧呢？
星期日沙沙除咗去搵王貽興，仲約咗幾個Blog友去大眾踩場XD
收銀機隔離攪攪震，影相簽名畫公仔
仲有支持沙沙嘅朋友專登嚟到書展搵我簽名，真係太感動了！
雖然我無屬於自已嘅簽名Booth
但係有一班朋友特登嚟同我影相簽名
真係好感動呀！希望有一日我都有一個正式嘅地方同大家影相、簽名、畫公仔啦！
對於一啲人嚟講，書展係散貨場，有齊晒唔同嘅書之外仲可以執平貨
我同意書展啲書有時實係好平，但係買平書之前又有無考慮過自己買咗呢本平書番去之後係未真係會睇
定還是只係用嚟放係書櫃到做裝飾呢？
我呢，雖然都好鍾意執平嘢，但係買書，我就會左揀右揀，唔岩心水都唔買
最後發現，買番嚟啲書都唔平，但係全部都係我鐘意嘅～
睇下今年買咗啲咩先～
。王貽興・原來我沒有生活 2
。曹民偉（文）/ANGRYANGRY(圖）・ 再見香港
。寄藤文平・死的型錄
。王貽興・冬天日和
。貓。果然如是・下課後的台灣小旅行
。阿Cheap・舊時係好啲
。飛樂鳥・美食繪
今年＠＠原來都買咗7本書呢！
等我簡單介紹下啦～
。貓。果然如是・下課後的台灣小旅行
台灣真係一個好地方，地方大，多Cafe，作者係自己一個人去歐洲前先來個台灣小旅行
用兩三天來探索下台灣的美食，用兩三天來探索下台灣的美景
再用手繪筆記加圖畫紀錄每次發現，好羨慕呀，我點先可以做到呀
。飛樂鳥・美食繪
臨尾唔覺意見到本木顏色教學書，嘩！令起上手已經唔想夜番底啦！
無眼花，真係木顏色畫㗎！
用木顏色畫食物，齋望就已經覺得好好食⋯⋯好想食呀⋯⋯
。寄藤文平・死的型錄
之前已經好鍾意呢位插畫家，買過一本叫做《沒創意，還敢玩塗鴉嘅書》
今次，佢就用死嚟做主題，我覺得（個人認為XD）齋睇插圖已經好抵死！
。曹民偉（文）/ANGRYANGRY(圖）・ 再見香港
行過天地，見到個書名，就俾佢個書名吸引咗過去，
係呀，我自認自己係一個戀舊嘅人，香港其實有好多特別而共他地方無嘅嘢，建築物啦，食物啦，雜貨啦
但係除住時間變遷，好多都會係未來消失，一直我都想用自己方法去寄底
但係唔係俾人Ban左，就係自己太懶無做到⋯⋯
打開本書，細密精緻嘅插圖，希望好睇啦～
除咗書，書展仲有文具賣
細個就會去買精品買文具，雖然大個咗都會去買，
但係都係買FineLiner同畫簿⋯⋯
今次仲買咗英文美術字Marker，對上一次寫已經係中學上Art堂寫過兩堂，好想學番呀，有無人識？
好嘢！又可以番去畫公仔啦！
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
